Timor-Leste hanesan nasaun uniku ne'ebé konsidera livre iha Sudeste Aziatiku

Timor-Leste hanesan nasaun uniku ne'ebé konsidera livre iha Sudeste Aziatiku, entre nasaun 11 rejiaun nian, indika relatoriu konabá liberdade iha mundu hosi organizasaun la-governamental (ONG) norte-amerikana Freedom House ne'ebé maka divulga iha loron-kuarta ne'e.

Timor-Leste, hanesan nasaun ne'ebé joven liu iha rejiaun ne'e no uniku ne'ebé maka seidauk integra iha Asosiasaun Nasaun sira Sudeste Aziatiku nian (ASEAN), hetan kualifikasaun ne'ebé di'ak liu, ho valor 70 entre 100, hosi nasaun 11 rejiaun ne'e nian, tuir relatoriu anual Freedom House nian, referente ba tinan 2018 no ne'ebé maka foin divulga.

Iha dokumentu ne'ebé hanesan, divulga iha tinan kotuk, Timor-Leste pasa hosi grupu nasaun sira ne'ebé konsidera "parsialmente livre" ba "livre", tanba foin lalais halao "eleisaun ne'ebé justu no ne'ebé maka lori tranferénsia poder ne'ebé suave no posibilita partidu foun sira no kandidatu sira tama iha sistema politiku".

Nasaun lima ne'ebé konsidera "parsialmente livre" maka Indonezia (ho 62 valor), Filipinas (61), Malazia (52), Singapura (51) no Myanmar (30), tuir estudu ne'e.

Hosi grupu sira "la livre" maka hanesan Tailândia (ho 30 valor), Brunei ho Camboja (rua ne'e ho 29), Vietname (20) no Laos (14).

Nivel ne'ebé estensu, 39% hosi abitantes bnillaun 4,1 hosi rejiaun Azia no Pasifiku konsidera hanesan "livre", 21% "parsialmente livre" no 40% hanesan "la livre".

"Rejiaun hotu-hotu, exetu Azia no Pasifiku, iha valor mediu ida ne'ebé kiik liu iha tinan 2018 do que iha tinan 2015 [bainhira hahú estudu ne'e]. No too [valor ne'e] Ázia no Pasifiku nan tun, se esklui nasaun sira ho menuz abitante sira millaun ida [maioria hosi Estadu Pasifiku], refere relatoriu ne'e.

Globalmente, Freedom House hatete katak direitu politiku sira no liberdade sira tun no monu ho forma konsekutiva durante tinan 13, ho aumentu ba numeru nasaun sira ho valor tun bebeik, ho relasaun ho nasaun sira ne'ebé maka rejista melloria.

Lakon ba liberdade nian asentuada liu iha nasaun sira ne'ebé maka konsidera hanesan "la livre", akresenta.

SAPO TL ho Lusa