segunda-feira, 15 de julho de 2019

DNTT Sei Hola Medida Forte Hasoru Kondutór Indixiplinadu


DILI, 15 jullu 2019 (TATOLI) -- Xefe Departamentu Tráfegu Diresaun Nasionál Transporte Terrestre (DNTT), João Eugénio da Silva, afirma sei toma medida forte hodi hasoru kondutór sira ne’ebé la kumpre sinál tránzitu.

“Dala barak ita-nia kondutór sira la respeita sinál tránzitu ho di’ak”, preokupa João Silva ba Ajénsia Tatoli iha nia knaar fatin, Balidi, ohin.

Aleinde ne’e mós kondutór sira la kumpre regra DNTT rasik, hanesan tula pasajeiru sira liu kapasidade karreta nian.

Tanba ne’e, bá oin DNTT sei foti medida forte ba kondutór sira ne’ebé la obedese ba regra, nune’e DNTT sei fó fali ezame karta kondusaun, tanba kondutór balun lori karreta maibé la tuir prosesu teste.

Entretantu, DNTT liuhosi Departamentu rodoviáriu kontinua halo sosializasaun ba lei kódigu estrada nian atu nune’e kondutór ka públiku bele kompriende bainhira kondús karreta ka motór.

Jornalista: Natalino Costa | Editora: Maria Auxiliadora

Sem comentários: