SEFOPE Despede Trabalhador Timoroan 129 Ba Austrália

DILI, STLTIMORLESTE.com – Sekretariu Estadu Formasaun Profisional no Empregu (SEFOPE) liu husi Diresaun Nasional Empregu Estranjeiru (DNEE) continua halo despedida ho trabalhador Timoroan nain 129 ba servisu no buka moris iha Australia.

Xefe Gabinete, Jacinto Ribeiro Dias, hatete, objetivu sira neebe Governu liu husi SEFOPE halo, hodi halo rekrutamentu ba trabalhador Timorense ba servisu no buka moris iha ema nia nasaun, liu-liu Austrália, meius ida atu fortifika ekonomia uma laran no hadia nesesidade uma laran.

Tanba nee trabalhador Timor-oan neebe hetan ona oportunidade ba servisu iha Australia, liu-liu nain 129 kompostu husi Mane 104 no feto 25, husu atu continua servisu ho displina, respeita ema nia kultura, nunee bainhira fila-fali mai Timor Leste, bele implementa no kontribui fali iha rai laran.

“Ita nia objetivu ba Austrália nee atu servisu, buka osan hodi hadia preokupasaun uma laran, laos lori fali Grupo hodi sai fali inimigu ba malu, nee la diak, tenke lao tuir sistema, moris ho sistema, imi sei fila ho sistema, labele sai husi sistema, ida nee mak dalan loos ba Traballador Timor-oan hotu iha Austrália,” dehan Xefe Gabinete, liu husi nia diskursu iha Hotel iha Beach Garden Díli, Kinta (29/11/2024).

Xefe Gabinete nee dehan, candidato trabalhador neebe ba buka moris iha ema nia nasaun, keta buka moras, tanba nee hatudu responsabilidade nuudar Timoroan, lao hanesan Timoroan, depois fila mai hanesan Timoroan ida neebe mak estadu iha esperiensia multidimensional.

Entertantu Diretor Diresaun Nasional Empregu Estranjeiru (DNEE), João Correia afirma, foinsae nain 129 neebe hetan oportunidade atu ba servisu iha Austrália, hatudu komportamentu neebe diak, nunee bainhira fila mai bele hadia ekonomia um laran.

Também servisu iha Austrália em tu manan osan no hetan esperiensia foun husi ema nia rain, nunee fila mai bele diversifika ekonomia familia no hasae kresimentu ekonomia nasaun Timor Leste nian, liu husi loke empreza kiik sira iha rai laran.

Iha sikun seluk Trabailador Re-Entry, Marzito das Neves sente kontente ho oportunidade neebe nia hetan, liu-liu atu ba servisu iha Austrália, fiar katak nia sei kumpre lei no regra neebe estadu Timor Leste (TL) na Austrália iha.

(EST 1) -- Suara Timor Lorosae(STL)