Mauk Moruk Sei La Intrega An, L7: “Diak Liu Ba Oho Nia No Fo Mai Hau Hakoi”

DILI – Prezidente Conselho Revolusionariu Maubere (CRM), Paulino Gama “Mauk Moruk”, sei la intrega an wainhira forsa la reteira hosi Baucau.

Tuir maun hosi Mauk Moruk, Cornelio Gama “L7, ba Jornalsita sira iha ninia hela fatin Bidau Sesta (15/05) hatete nia kontakto ona ho Mauk Moruk atu mai intrega an, maibe Mauk Moruk rasik lakohi kuandu governu la hapara opersaun KOK.

Depois halo inkontru ho Maijor Lere nomos Komisariu PNTL Julio Hornai hau telfone ba Mauk Moruk para atu mai kopera ho justisa maibe nia dehan hakarak liu hosi dialogu atu nunee bele hatene se mak los no se mak sala, no nia mos dehan nia la mai kuandu forsa la reteira hosi operasaun nee nia la tun mai, maibe operasaun kontinua lao nebe hau dehan ba Governu no Parlamentu hanesan nee imi ba oho nia ba depois oho tiha mak lori mai fo hau hakoi, tanba nia lakohi mai kuandu forsa la reteita ida nee mak nia kolia ba hau,” hatete L7.

Cornelio Gama “L7” mos hatutan, problema nee intrega tomak ba Governu atu rejolve, tanba hanesan familia sei la faan Mauk Moruk atu hetan osan, tanba hanesan ema veteranus ida iha prinsipiu katak se mak sala hakarak ka lakohi tenke ba hatan iha tribunal.

Iha fatin ketak Ministru Interior, Longuinhos Monteiro, rasik la fo nia komentariu ba asuntu ida nee ba publiku ho rajaun nee kestaun operasaun nian. Informasaun kompletu iha STL Jornal no STL Web, edisaun Sabado (16/5/2015). Thomas Sanches/Madalena Horta

Suara Timor Lorosae