L-7 SEI LA “TRAI” MAUK MORUK

Eis Komandante FALINTIL, Cornelio Gama “L-7” nu’udar mos Mauk Moruk nia maun deklara katak, nia sei la trai nia alin no la estraga fali Paulino Gama ‘Mauk Moruk’.

L-7 afirma katak, durante ne’e nia nunka simu osan ou sigaru ruma husi Komando Operasuan Konjunta (KOK) atu halo aprosimasaun ho Prezidenti Konselhu Revolusaun Maubere (KRM), Mauk Moruk.

“Ami nunka simu osan no sigaru masu ruma,   hanesan uluk iha ailaran ami halo funu halo volontariomente, se’e fo osan mai ami entaun hanesan ami halo problema tan fali ho Mauk Moruk,” hateten L-7 hodi responde jornalista sira iha Bidau, Dili, Kinta (14/05/2015).

Romoris ne’ebe alastra iha publiku katak, Komandante L-7 simu osan husi KOK par abele fasilita halo aprosimasuan ho Mauk Moruk atu bele mai kolabora ho justisa. Maske nune’e, L-7, rekuza kona-ba rumoris ne’e hodi dehan tan katak, to’o oras ne’e nia rasik mos seidauk halo aprosimasuan ho Mauk Moruk tuir orientasaun husi KOK.

“Ba oin depende planu husi Governu no Parlamentu Nasional nian. Ami la iha planu porque ita tu’ur hakmatek doque ita tau fali kanuru tohar problema bo’ot sira ne’e orsida ita tama sala fali ona,” hateten L-7.

Problema Mauk Moruk nian ne’e, L-7 entrega tomak ba Governu atu hili dalan dialogu ou rezolve iha tribunais.

“Ami atu fan fali MM ba Governu sa, se’e maka koalia mos deskulpa nia koalia sala ona,” hateten L-7 hodi sublinha hikas tan katak, deste tinan 24 iha ai-laran iha deit maka esperitu nasionalismu hodi liberta patria ho povu.

“Funu hotu tiha buat hotu la folin ona mai ami, ne’ebe ami tu’ur hakmatek ami nain. Lei dehan hanesan ne’e labele halo provokasaun ne’ebe ami tu’ur hakmatek ami rona deit bainhira maka atu rezolve depende Parlamentu Nasional no Governu ho forsa KOK maka bele koalia,” hateten L-7. Nax

Jornal Nacional