TL “RENDE” BOLU FILA JUIZ INTERNASIONAL

DILI - Governu ho Parlamentu Nasional (PN) hasai rezolusaun imediatamente hodi duni sai Juiz, Prokurador no Defensor Internasional, maibe ikus mai Timor Leste rende bolu fila Juiz Internasional kontinua foo apoiu iha area justisa, tamba justice iha TL sei fraku.

Lia hirak nee hatoo husi Observador Justica Juvencio de Fatima Franco, ba STL, wainhira partisipa konfrensia Ministeru Justica CPLP, iha Ministeru Negosiu Estranjeriu e Kopersaun (MNEK), Pantai Kelapa, Dili, Segunda (22/06/2015).

Ita Timor Leste nee komik, tamba sa ita hatene ita nia sistema justica sei fraku, maibe ita halo aan, foti dezisaun ho imediatamente liu husi rezolusaun duni sai Juiz Internasional sira ho loron balun, maibe ikus mai ita mesak-mesak rende, bolu fia sira mai hodi foo apoiu ita iha area justice,” hateten Juvencio.

Nia hatutan tan katak Governu no Parlamentu Nasional defende koruptor sira, tamba nee sira foti desizaun imediatamente duni sai juiz internasional, maibee ikus mai sira rasik rende ba hamaus no bolu fila mai.

Tuir Ministru Justica Ivo Valente hateten iha tinan kotuk Governu hamutuk ho Parlamentu Nasional, hasai rezolusaun hodi haruka sai Juiz Internasionl sira husi TL.

Maibe agora Governu TL ho Portugal asina ona akordu ida, hodi bolu fali juiz sira nee mai, atu foo apoiu nafatin iha sistema judisiariu nia iha Tribunal, Prokurador Jeral da Republika, Defensoria Publika no institusaun sira seluk neebe Presiza,” hateten Ivo.

Nia hatutan tan katak ho rajaun ida nee maka importante tebes ba Ministeru Justica, oinsa hare reativa koadrus formadores sira importante husi Portugal, mai iha TL, maibe Minister Justica sei hare posebelidade oinsa Juiz Internasional sira nee mai, bele sai Mentor ka Assesor para bele akompania serbisu Timor oan nia. Informasaun kompletu iha STL Jornal no STL Web, edisaun Tersa (23/6/2015). Joao Anibal

Suara Timor Lorosae