MP Kontinua Investiga Kazu TV Educasaun ba Suspeitu Nain 7

DILI - Ministeriu Publiku kontinua halao investigasaun ba suspeitu nain 7 neebe deskonfia involve mos iha krime Partisipasaun ekonomio neebe antes nee Tribunal Distrital Dili (TDD), kondena ona arguidu Joao Cançio no Tarsisio do Carmo ho pena prizaun tanba provadu hanesan autor principal.

Tuir Ministeriu Publiku katak, MP sei kontinua halo investigasaun foun ba suspeitu nain hitu neebe deskonfia involve mos iha projetu TV edukasaun nian. Neebe antes nee sira hanesan testamunha iha julgamentu nia laran.

Antes nee liu husi audensia julgamentu, Prokurador Jasinto Babo husu ba tribunal  atu hasai sertidaun extraia ba Ministeriu Publiku hodi halo investigasaun foun hasoru suspeitu nain hitu neebe deskonfia involve mos iha kazu TV Edukasaun.

Ministeriu Publiku husu ba tribunal atu hatun sertidaun esxtraia para bele halo fali investigasaun foun hasoru suspeitu nain hitu neebe deskonfia involve mos iha kazu TV edukasaun nian. Suspeitu nain hitu neemak hanesan Agusto Bareto Lopes, Elder Alves, Paul Assis, Manuel Monteiro, Thomas Neves, Ana Noronha no Travel Paris. Tanba iha julgamentu nia laran, suspeitu sira nee mos involve hotu iha prosesu projetu TV edukasaun nia laran,” dehan nia.

Ba kazu Projetu TV edukasaun nee rasik, neebe involve arguidu Joao Cancio ho Tarsisio do Carmo oras nee atu tama ona ba iha fase desizaun. Tanba nee MP atu halo fali akuzasaun foun hasoru suspeitu nain hitu neebe deskonfia involve mos iha laran. Informasaun kompletu iha STL Jornal no STL Web, edisaun Sabado (22/8/2015). Domingas Gomes

Suara Timor Lorosae