MD CIRILO LA HATENE GASTUS BA OPERASAUN HANITA

Ministru Defeza (MD) Cirilo Cristóvão hatete, sira nian parte hatama tiha ona relatoriu servisu nian ba Prezidente Repúblika, Taur Matan Ruak, maibe kona ba gastus operasaun HANITA nia rasik lahatene.

“Relatoriu ami aprezenta ba iha Prezidente Republika inklui mos relatoriu orsamento no mos relatoriu aktividade Operasaun Hanita durante fulan 4 liu ba orsamentu gasta hira ha’u lahatene,”dehan dehan Cirilo ba Jornalista iha nia knar fatin edifisiu MD kinta (03/09).

Orsamentu ba Operasaun Hanita ne’e, Cirilo Cristóvão hatete, ne’e nia alokasaun liu husi dotasaun tolu Guverno hamutuk USD 2 milloens.

“Kona ba orsamentu ita hotu hatene alokasaun ne’e ho total 2 milliaun, maibe atu hotu ka lahotu ha’u lahatene diak kona ba gasta orsamento detalladu ne’e hira, maibe klaru relatoriu ne’e ami intrega ona ba Prezidente Republika” dehan Cirilo.

Nia hato’o mos katak, Mauk Moruk nia mate parte ida husi operasaun, ema hotu hotu iha pais ne’e lakohi Mauk Moruk atu mate, ema halo masimu posibel, esfordu tomak para Mauk Moruk bele mai rende, jeneral Lere rasik esforsu tomak aprosima nia familia maibe ida infelismente nia mate, no ida ne’e mak Estadu.Nes

Jornal Nacional