Pensaun Vitalisa Hamosu Injustisa Boot Iha TL

DILI – Pensaun vitalisia neebe mak ukun nain sira simu durante nee halo povu tomak inklui Igreja mos hakilar, tanba ho pensaun vitalisia nee hanesan hamosu injustisa boot iha nasaun ida nee.

Tuir Amu Bispu Diocece Maliana Dom Norberto Amaral, ba Jornalista sira iha Igreja Catedral Sesta (4/09) depois remata diriji misa ba korementan Nasional katak, pensuan vitalisia hanesn injustisa boot ida tanba nee sekuandu la hadia maka sei lori susar ba povu TL.

Pensaun vitalia nee iha tendensia neebe mak la dun diak, lolos nee vitalisia nee ba ema neebe mak merese no tenke difini iha lei ho diak maibe se pensaun vitalisia mak fo hotu ba politiku nain sira, hau hanoin ita susar ona. Tanba nee hau husu ba governu atu difini didiak liu-liu ba sira neebe mak funu iha ailaran nunka rende too ohin loron ida tan mak tenke redus tanba nee dala ida tan injustisa bot ema neebe terus iha ailaran durante tinan 24 balu la hetan maibe ida neebe mak ukun tinan 5 deit nee hetan fali nee sala bot bele hetan maibe naton deit ba nia moris,” hatete D. Norberto.

Amu Bispu Dom Norberto Amaral mos hatete tuir nia hanoin hakarak ka lakohi tenke fo perioridade ba sira neebe mak luta iha ailaran durante tinan 24, tanba ema sira nee mak merese hetan uma diak, osan no seluk tan.

Iha fatin hanesan, Felciano da Costa Pereira, hatete tuir nia hare realidade pensaun vitalisia hanesan diskriminasaun ida neebe mak akontese iha rai laran entre povu ho ukun nain sira, tanba pensaun vitalisia fo liu benefisiu ba grupu kiik oan balu hodi goja rikusoin povu nian. Informasaun kompletu iha STL Jornal no STL Web, edisaun Sabado (5/9/2015). Thomas Sanches

Suara Timor Lorosae