RELATORIU PDHJ, PNTL KOMETE VIOLASAUN DIREITUS HUMANUS AS LIU

Polisia Nasional Timor Leste (PNTL) komete violasaun direitus humanus as liu kompara ho instituisaun Forsa Defesa Timor Leste (F-FDTL), Profesores, Funsionariu Publiku no autoridade lokal sira.

Tuir relatoriu tinan 2014, presetanzen violasaun direitus humanus nebe membru polisia komete, 71 porzentu, professores sira iha porsentu 11, Funsionariu Públiku porsentu 9, F-FDTL iha porsentu 6 no autoridades local iha porsentu 3.

“Autoridades sira ne’ebé maka ami temi no tipu violasaun ne’ebé maka sira komete maka hanesan kazu baku no ameasa iha 34, violasaun no abuzu seksual iha kazu 3, kapturasaun no detensaun arbitraria iha kazu 13, direitu atu asesu ba iha Tribunál iha kazu 9, direitu ba prioridade uma no korespondensia iha kazu 6, direitu ba honra no privasidade iha kazu 2, violensia domestika no abandona iha kazu 2, diskriminasaun iha kazu 3,” dehan Provedor Silveiro Pinto, bainhira aprezenta relatoriu servisu ba deputadu sira iha Uma Fukun Parlamentu Nasionál Segunda (21/9) horseik.

Tuir relatoriu annual ne’ebé maka PDHJ fo sai katak, kazu violasaun direitus humanus, iha relatoriu investigasaun ne’ebé maka mai mós ho rekomendasaun hamutuk 15, iha prosesu investigasaun identifika katak, akontese violasaun direitus humanus no PDHJ rekomenda mós ba iha instituisaun no ministériu relevante atu implementa rekomendasaun ne’ebé maka husi Provedor.

PDHJ halo relatoriu badak nee, tanba iha prosesu investigasaun evidensia la sufisiente, entaun kazu balun PDHJ prosesa deit no kazu balun ne’ebé maka liu husi mekanismu internal Provedoria no adjunto sira deside hodi loke investigasaun, maibé kazu balun ne’ebé maka bainhira investigador sira hahú hala’o nia investigasaun no identifika katak kazu balun prosesa hela ona iha Tribunál no balun iha ona akuzasaun.

Silveiro Pinto afirma, prosesu sira nee kontinua iha investigasaun, maibé investigador tenke halo relatoriu badak hodi aprezenta fali ba iha Provedor atu nune’e bele deside liu hosi mekanismu internal ne’ebé hanaran Komite Jestaun de Keixa iha kazu ida ne’e, iha kazu 49 maka PDHJ taka.

“Husi kazu sira ne’ebé maka PDHJ prosesu liu husi meius investigasaun no hato’o ona relatoriu ba iha entidades públiku, no rekomendasaun ne’ebé maka implementa hosi servisu investigasaun maka hanesan bazeia ba rezultadu investigasaun tinan 2014, PDHJ hato’o ona rezultadu relatoriu investigasaun final no rekomendasaun hamutuk kazu 38. No husi kazu refere, iha kazu hamutuk 15 ba violasaun direitus humanus no kazu 23 ba violasaun governasaun diak,”informa Silveiro Pinto.

Nia hatutan, iha tinan 2014 , tuir planu iha porsentu 25 husi rekomendasaun PDHJ tenke hetan implementasaun husi instituisaun respondente, no rezultadu hatudu katak kazu hamutuk 38 ne’ebé maka PDHJ rekomenda ona ba Ministériu no Instituisaun relevante, iha porsentu 95 kazu ho total 36 maka Ministériu no Instituisaun relevante ne’ebé maka simu rekomendasaun sira implementa tuir tempu ne’ebé maka termina iha estatuto PDHJ nian.

Entreantu iha implementasaun ba kazu hirak ne’e kompostu hosi 15 ba kazu violasaun direitus humanus no 21 ba kazu violasaun governasaun diak.

Nune’e mos membru PN husu mos atu PDHJ foti mos kazu krime balu ne’ebe mak mosu iha prizaun sira para bele hatene numeru ne’ebe mak iha. bal