TL La Bele Laran Metin ba Osan Minarai

DILI - Estadu Timor Leste (TL), la bele laran metin deit ba fundu minarai, hahu hanoin ona atu halo investementu no investe non petroliferu iha fatin potensial, para hetan rendementu hodi hadia povu nasaun nia moris iha futuru.

Lia hirak nee hatoo husi Prezidente Partidu Fretilin Fransisco Guterres Lu-Olo, ba Jornalista sira, hafoin tomada depose ba Reitor Foun UNTL, iha CCD, eis Merkadu Lama, Dili, Segunda (18/01/2016).

Tinan-tinan ita hasai osan husi fundu petrolium nia, neduni ita tenki halao investementu hodi  investe iha fatin seluk neebe iha potensialidade para bele hetan reseitas, hodi hadia povu no nasaun nia moris ba futuru, laos ita laran metin deit ba osan minarai nia,” hateten Lu-Olo.

Prezidente Partidu FRETILIN hatutan tuir informasaun katak mina balun maran dadauk ona, neduni hahu agora tenki hanoin ona investe osan fundu minari nia neebe iha seitor sira seluk, atu fo sustentabelidade ba nasaun.

Iha parte sleuk Prezidente KKFP Mericio Akara hateten mina besik maran, tamba nee governu tenki komesa agora investe iha seitor non petrolifera, seitor non petroliferu maka hanesan turismu, fabrika Aifuan, fabrika ikan lata no seluk, para atu sustenta ekonomia kiik sira. Nune mos agrikultura baziku para faselita komunidade sira, para dezenvolve ekonomia rai laran. Informasaun kompletu iha STL Jornal no STL Web, edisaun Tersa (19/1/2016). Joao Anibal

Suara Timor Lorosae