Governu Esplika Progresu no Evolasaun CPLP Ba Deputadu Sira

DILI - Governu liu husi Ministeru Negosiu Estrajeiru e Kopersaun (MNEK) esplika progresu no evolasaun Prezidenisal Timor Leste (TL) CPLP ba Deputadu sira iha Uma Fukun Parlamentu Nasional (PN), konaba aktividades no rezultadu neebe atinzi ona.

Lia hirak nee hatoo husi Vice MNEK Roberto Soares, ba STL hafoin remata enkontru ho Komisaun Nasinal Assembleia Parlamentar CPLP, iha PN, Kuarta (30/03/2016).

Iha sorumutu ida nee pedidu husi Prezidente Parlamentu Nasional, atu mai hodi hatoo konaba progresu no evolasaun Prezidensial Timor Leste ba CPLP, konaba aktividades no rezultadu neebe durante nee atinzi ona.Hodi fo informasaun no atualizasaun ba ita nia Deputadu sira, tamba iha fulan Abril bainhira sira ba partisipa iha sestu Assembleia Parlamentar CPLP iha Brazil, sira pelomenus iha ona bagazen balun atu bele kontribui liu tan, ba diplomasia parlamentar CPLP ninia,” hateten Roberto.

Nia mos hateten ba Deputadu sira katak iha susesu lubuk ida neebe TL halao, tamba TL hatudu momos konaba seriadade, konsistensia no komitmentu tomak oinsa maka bele kontribui ba politika artitektura CPLP, hodi bele responde liu tan ba interese pais CPLP sira tomak.

Tuir Deputadu Bankada Fretilin Fransisco Miranda Branco katak Grupu Parlamentar CPLP, atu ba partisipa simeira AP CPLP iha Brazil, tamba nee sira konvida Ministeiru Negosiu Estranjeiru ho Sekertariadu CPLP atu hetan breafing konaba situasaun atual husi presidensial TL iha tinan rua nia laran. Informasaun kompletu iha STL Jornal no STL Web, edisaun Kinta (31/3/2016). Joao Anibal

Suara Timor Lorosae