ABIO LANSA ALBUM MUZIKA BA DALA 8 – SUJERE KRIA LEI REGULA KRIADOR MUZIKA

Artista senior Timor-Leste, Abio Salsinha Soares, oras ne’e dadaun lansa tan album muzika foun  ba dala ualu (8), ho nia titulu ‘Maria La Jadi’.

Iha album foun album ba dala ualu (8) ne’e iha muzika 11,  balun muzika ho lian Indonesia no mos Tetum, no album ne’e rasik kanta hamutuk ho artista Indonesia nain tolu hanesan, Bebizie, Velline ho Mery Geboy.  Muzika 11 ne’e maka hanesan  muzika primeiru ho titulu, Maria La Jadi,  40 hari, Cinta Lama Bersemi Kembali, Koalia Tok Mai, Jangan Bilang Sayang, Laran Ne’e Sei Moras, Pacar Kecentilan, Keta Loko An,  Begal Cinta,  Hanoin Bebeik O no ikus liu maka  Vistidu Mean.

“Ha’u nia album ba dala 8 ne’e, muzika sira ne’e ha’u mak halo rasik, no balun husi kolega sira. Ho lansamentu  muzika ba dala 8 ne’e bele motiva joven Timor oan sira hotu,”konta eis Manajer ba Kompañia Montana Diak ne’e, bainhira dada lia ho Jornalista sira iha Restaurante New Sunrise Bairo Formoza, Dili, Tersa (19/04).

Artista Abio Salsinha ne’ebe sai bainaka ona iha programa famozu PESBUKERS Kanal Televizaun Indonesia ANTV ne’e afirma, album ba dala 8 ne’e foin lalais lansa ona iha nasaun Indonésia no agora foin lansa iha Timor Leste no Kasete VCD ne’ebé nia produs 200 deit, hodi fan iha merkadu. Merkadoria Timor seidauk la’o ho susesu tanbá haree ba iha Timor ne’e lei seidauk iha hodi kontrola ema ne’ebe gosta halo Pembajakan, ka kopy tuir ema nia kriasaun, maibe merkadu Indonésia  fan ona nia kasete.

“Intensaun album ba dala 8, kanta ho artista koñesidu Indonesia sira, hodi kria kompilasi entre artista Timor-Leste ho Indonesia no intensaun prinsipal maka promove muzika Tetum iha indonésia  no album ne’e ha’u hanaran kompilasi. Muzika ne’ebé  ha’u gosta tebes, maka Maria La Jadi,  ho loron 40,”Abio hatete tan.

Iha oportunidade ne’e, Abio dehan, hanesan artistaTimor ona, sente triste, tanba ema nia muzika maka kontinua kanta no halo copy fan tutan, tanba ne’e krimi. Frakeza ne’ebé artista Timor-Leste infrenta maka nia dehan, seidauk iha lei ruma hodi kontrola ka regula no kesi metin atu ema labele copy tun sae ema ne’ebe halo muzika ka kriador muzika (Pencipta Lagu). Dala barak nia  fó hanoin ba Asosiasaun atu servisu hamutuk ho Governu nune’e lalais kria lei ruma,  karik la produs lei, pelumenus kria regulamentu ruma. Tanbá koalia kona ba dezenvolvimentu muzika, TL dezenvolvimentu bo’ot tebes, sa tan  nasaun TL oras ne’e dadaun sai ona membrsu CPLP, no prepara tama membrus ASEAN posibilidade nia  muzika sei  tama mós.

“Ha’u nia apelu ba maluk artista Timor ona sira katak, ita nia talentu ne’ebé ita iha labele subar, iha talentu karik promove tiha ba, foin ema seluk bele hatutan hodi promove, tanbá sai koreksaun ba ita. Tanbá bainhira ita kanta diak, hetan konvida ba kanta iha nasaun seluk, sei promove nasaun TL nia naran, ami nia idade aumenta  ba dadaun ona, hein imi jerasaun tuir mai maka bele tuir nune’e bele foti no tane ita nia rai doben ne’e liu hosi muzika,”Abio Salsinha husu.

Album muzika ba dala 8 ne’e, oras ne’e hetan kontratu ho grupu ida naran LABEL iha Indonesia. Sira rasik maka sei halo promosaun importante tebes nia ba kanta iha nasaun Indonesia, ho intensaun atu promove muzika Tetun. Afinal muzika ida Maria La Jadi,  fó si iha Facebooker artista lubuk ida maka kanta hatene.

Iha oportunidade ne’e, Sindy Samara hanesan mos artista junior Indonesia nian ne’ebe kanta mos iha album foun ba dala 8 Abio Salsinha nian ne’e,  ho muzika Obrigado Doben kanta mos Maria La Jadi ne’e iha Cresendo semana kotuk, hatete, nia parte senti kontenti wainhira konvida mai kanta iha Timor-Leste.

“Espera liu husi koperasaun muzika sira ne’e bele servisu hamutuk ho dezenvolve diak liu tan muzika iha Timor-Leste nian,”Sindy hatete.Des

Jornal Nacional