Membru
Parlamentu (MP), Deputadu Antoninho Bianco, husu Polisia Nasional Timor-Leste
atu monta postu Unidade Polisia Maritima iha fatin risku ba peskas illegal atu
tama hodi naok riku soin Timor nian.
Nia
hateten, durante ne’e peskador sira tama ho illegalmente hodi na’ok riku soin
timor nian iha tasi laran.
“Ita
tenke buka dalan atu monta postu sira ne’e, no fo treinamentu ba peskadores
sira, atu nune’e sira bele halo peskas iha tasi laran, hodi nune’e tasi labele
mamuk,” Deputadu Bianco hateten, iha Parlamentu Nasional.
Tanba,
nia dehan, durante ne’e polisia maritima sira iha duni roo atu halo kontrola ba
tasi timor, maibe roo hirak ne’e nia kapasidade labele to’o iha tasi mane.
“Entaun
ema husi Indonezia bele tama ho fasil,” nia hateten.
Tuir
nia, sistema kontrolu ne’ebe halo husi parte seguransa ho patrulha rodavidaria
halo durante ne’e ladun efikas, tanba wainhira patrolha liu tia ema tama fali.
“Depois
ema nia roo mos canggih, ita duni tuir la hetan,” nia dehan.
Hatan
ba preokupsaun ne’e Komandante Jeral Polisia Nasional Timor –Leste (PNTL),
Komisariu Julio Hornai, hateten iha orsamentu 2016 nian PNTL konsege propoin
atu monta postu 8, maibe iha diskusaun orsamentu osan la to’o, entaun iha
tinan ida ne’e labele monta postu hirak ne’e tanba osan laiha.
“Ami
hakarak atu harii duni postu maritime walu ou sia hanesan ne’e inklui postu iha
fronteira hat maibe orsamentu la laiha,” Komisariu Hornai hateten.
Maibe,
nia dehan, PNTL sei nafatin aprezenta planu ida ne’e iha inisiu fulan Julhu,
tanba bele uza osan ratifativu hodi harii postu ne’e.
Kona
ba roo 15 ne’ebe mak PNTL iha agora dadaun iha kondisaun aat hotu, tanba ne’e,
nia dehan, iha tinan kotuk (2015) PNTL konsege tau osan hodi halo
manutensaun, maibe kompania ne’ebe manan tender, iha dalan klaran rezigna
aan.
“Entaun
iha tinan ida ne’e, ami nafatin propoin atu iha kompania ruma ne’ebe priense
criteria, nia bele hadia,” nia hateten.
The
Dili Weekly
Sem comentários:
Enviar um comentário