PS TENKE SERVISU HO PROFESIONAL

Ministra Saude, Maria do Ceo husu ba Pesoal Saude (PS) sira hotu iha Timor laran tomak tenke servisu ho profesional tuir juramentu ne’ebe iha katak respeita ema nia vida.

“Ida ne’e mak ami nia parte frakeza mak ne’e mas ida ne’e laos hotu kedas i hau lazeneraliza laos hotu kedas maibe hau labele nega katak sempre ida rua ne’ebe ke karik hakilar ema, ladun mamar ho ema padahal ami nia juramentu ne’e kan ita respeita ema nia vida desde bebe oan ida to’o fali ferik katuas sira tenki respeita ita lahare ba klase , rasa , politika , statu  sosial laiha se deit mak sai pasiente ida ne’e ami nia sentru atensaun ne’e mak sira tanba sira mak profesaon  sira nia iha laiha sira ami profesiao mediku labele iha parteira o ba konsulta ba se o  konsulta ba pasiente los ka ale i pasinte o labele deskrimina ida ne’e ida neba ne’ebe karik hahalok ruma mak lalos  ne’e iha akontese ida rua duni,”informa Ministra Maria Do Ceo ba Jornalista sira iha Kaikoli Dili Kuarta (30/3/2016).

Ministra Saude ne’e hatutan, atu muda ema ida nia hahalok ne’e difisil, tanba karakter ema ida-idak nian tenke lori tempu naruk atu bele hadia neneik.

“Ha’u hanoin ita atu muda ema nia hahalok ne’e lori tempu no lori meius hotu-hotu de aprosimasaun hotu-hotu para depois nia bele konsiensia hafoin de konsiensia nia bele muda nia hahalok ne’e  rasik,”Ministra Saude Maria esplika.

Maria do Ceo hato’o lia hirak ne’e relasiona preokupasaun ne’ebe mak durante ne’e husi membru Parlamentu no komunidade sira kona ba mal atendimentu pesoal saude sira nian wainhira fo atendimentu ba pasiente. Atu hadia hahalok pesoal saude sira nian hodi halo kontrola diak liu tan  Maria Do Ceo dehan, agora dadauk Ministeriu saude kria ona sistema atu fo formasaun ba pesola saude.car

Jornal Nacional