Covalima – Ainaro Hakarak Kandidata Lu-Olo ba Prezidente 2017

COVALIMA - Estrutura partidu FRETILIN Munisipiu Covalima ho Ainaro hakarak kandidata Prezidente Francisco Guterres Lu-Olo ba Prezidente tinan 2017-22.

Vise Kordenador Partidu FRETILIN Alexandrino da Cruz hatete, kordenador partidu FRETILIN hahu husi suku mai too iha Munisipiu fo apoia maximu ba Prezidente Partidu FRETILIN Francisco Guterres Lu-Olo atu kandidata aan sai Presidente Republika Timor Leste.

Ita nia manu aman ida neebe durante nee ita kesi nanis ona, tara mos ita kadi kroat ona atu hein ba futu deit, tamba nee ho dala ida tan husu ho ita nia konsiensia tomak atu bele fo konfiansa ba ita nia Prezidente Francisco Guteres alias Lu-Olo atu kandidata fila fali ba elisaun 2017 atu sai hanesan Prezidente Republika Timor Leste,” dehan Alexandrino liu husi nia diskursu, iha konferensia IV Kongresu partidu FRETILIN, iha Munisipiu Covalima, Sabadu (28/05/2016).

Nia hatete, Munisipiu Covalima iha Postu Administrativa 7, suku 30 no aldeia 148, atu fo apoia ba Prezidente Partidu FRETILIN Francisco Guteres alias Lu-Olo ba kandidata iha elisaun Prezidensial 2017.

Iha parte seluk Sekertariu partidu FRETILIN Munisipiu Ainaro Eduardo Lopes hatete, iha biban ida nee liu husi Konferensia Munisipiu iha 29 Maiu 2016 deklara, Timor Leste halao elisaun 2017 hodi hili kandidatu ba Prezidente Republika, Prezidente Republika halo tuir lolos kontituisaun Republika. Informasaun kompletu iha STL Jornal no STL Web, edisaun Tersa (31/5/2016). Carme Ximenes

Suara Timor Lorosae