QUELICAI - Prezidente
Republika (PR) Taur Matan Ruak deklara ba povu Suku Laculio, Postu
Administrativu Quelicai, Munisipiu Baucau, katak povu Timor Leste (TL) moris
diak la iha, ukun aan la foin, tamba nee TL ukun aan ona, kontinua luta ba
moris diak.
Lia
hirak nee hatoo husi PR Taur, liu husi dialogu aberta ho komunidade Suku
Laculio, postu Administrativu Quelicai, Kinta (26/05/2016).
Uluk
ita luta ba ukun aan barak maka mate, agora ita kontinua rame-rame buka moris
diak, ita nia ukun aan la iha folin se ita nia moris kontinua susar nafatin,
uma la diak, bee mos la iha, oan sira la ba eskola, moras aimoruk la iha,
klinika la iha, entau ukun aan atu halo saida, ukun aan para ba moris diak,”
hateten PR Taur.
Xefi
Estadu nee hatutan buka moris diak laos mosu iha bandeza, milarge la iha,
milarge Maromak deit hatene, nudar ema servisu maka hetan. Prezidente husu
tenki lao hamutuk nafatin, forma diak, hodi fo kontribuisaun ba nasaun maka
servisu makas e servisu la para no servisu hamutuk.
Iha
fatin hanesan Komunidade Tomas Soares hateten TL ukun aan tinan 14, maibe povu
kontinua kiak no mukit, agora Prezidente Republika mai too rasik iha komunidade
leet hodi fanu povu atu servisu hamutuk, para hadia povu nia kondisaun.
Informasaun kompletu iha STL Jornal no STL Web, edisaun Sabado (28/5/2016). Joao
Anibal
Suara Timor Lorosae
1 comentário:
Presidente da Republika nia deklarasaun nee los duni, katak ita nia luta hodi tempo nebe naruk no kleur, nia objetivo atu hasai povo husi kiak mukit no terus nebe todan, maibe depois ita hetan tiha ukun an ita nia povo sei moaris nafatin iha linha kiak no mukit nia laran. nee hatudu katak ita nia luta ba ukun an ida nee la folin, tamba ukun an ida nee ema lubuk oan ida maka senti ukun an ida nee nia diak, maibe povo rihun ba rihun sei dauk senti ukun an ida nee nia diak, ho nunee, Timor oan sira persisa lolo liman ba malu, sakgrafika ita nia an ba luta hodi hasai ita nia povo husi kiak, mukit, terus nebe todan. timor oan hamutuk hodi luta kontra korupsaun,kolusaun no nepotismo,nebe agora buras oha ita nia nasaun, liu-liu ba ita nia lideransa hirak nebe ukun hodi aproveita goza ukun an ida nee nia diak. kontra oportunista, ho ema rai seluk nebe mai uja ita nia povo sai sira nia instrumentu politika hodi akinze sira nia objetivo.
Husi. Lourenco de Deus.
Enviar um comentário