HNGV HUSU APOIU SEPFOPE

Kondisaun infra-estrutura bazikas iha Hospital Nasional Guido Valadares (HNGV) ne’ebe kontinua grave, nune’e HNGV hatama proposta husu apoiu ba Sekretariado Estadu Politika Formasaun e Profesional (SEPFOPE).

Diretor Ezekutivu HNGV, Jose Antonio hatete, sira husu apoiu ba SEPFOPE la signifika HNGV la iha orsamentu ba manutensaun, , maibe sistema normal ne’e tenki liu husi prosesu tenderizasaun buka kompania ne’ebe mak kualidade, maibe dala barak mekanismu sira ne’e lao ladiak nune’e  hatun prestasaun servisu HNGV nian.

‘’Hau rona katak SEPFOPE iha programa ne’ebe bele ajuda instituisaun sira iha area infrastruktura liu husi estudante formasaun Tibar ho Senai Becora, entaun ne’e diak tebes ho laran ksolok ita husu atu apoiu,’’ dehan Jose ba jornalista sira iha HNGV Bidau hafoin akompanha Sekretariadu Estadu Ilidio halo inspesaun ba HNGV.

Nia hateten, kondisaun infrastrutura ne’e la afeita ba ema nia vida, maibe nia suporta atendementu klinika ba pasiente, tanba la fo kondisaun konfortabel ou diak ba sira inklui suporta servisu mediku sira.

Jose hateten, kondisaun ne’ebe mak sira identifika ona hamutuk ho SEPFOPE i presiza hadia mak, sintina publiku, kanalizasaun bee mos, be dalan AC (Air Condition), kama sira ne’ebe mak at soe hela iha liur inklui makina ensenador ne’ebe mak uza ba sunu lixu HNGV nian, hanesan daun , soru aimoruk restu sira ne’e no mos plastik ai moruk sira nian.

Iha fatin hanesan  Sekretariado Estadu Ilidio Ximenes hatete, sira simu proposta husi Diretor HNGV atu husu apoiu SEPFOPE nian hadia sasan balun ne’ebe mak at iha HNGV,  tan nia lori kedas mestri ho instrutur  sira husi SENAI Becora ho Tibar hodi mai direta hare sasan sira ne’ebe mak at presija SEPFOPE nia ajuda.

‘’Ohin ita hare ne’e mak AC, saniamentu publiku, kanalizasaun be mos no mos makina fase ropa ne’ebe at be sulin arbiru be dalan, buat hirak ne’e tuir lolos ita bele hadia, la presija bolu ema mai husi liur hodi gasta osan barak tan,’’ hateten Ilidio.

Ilidio haktuir, sira sei haruka tan tekniku husi sentru formasaun Tibar ho Becora hodi mai identifika klean liu tan nune’e iha semana oin mai bele hadia dadaun ona sasan sira ne’ebe mak at i tuir nia mos sira sei la gasta osan barak, tanba ne’e buat kik ida ba sira liu husi estudante sira atu hadia. nia

Jornal Nacional