Negosiasaun Fronteira, Xanana Konsideira Funu Foun

DILI- Negosiasaun fronteira rai maran no tasi entre Timor Leste, Indonesia no Australia, Xanana Gusmao Konsidera funu foun neebe sei hahu husi Oe-Cusse too Tutuala.

Tuir Xefi Negosiador ba Negosiasaun Fronteira Xanana Gusmao katak nudar xefi ba negosiasaun fronteira maritima laos deit ho Australia maibe ho mos Indonesia, maske fronteira rai maran ho Indonesia hanesan Naktuka ho Pasabe seidauk rezolve hotu.

Uluk hau kaer funu nee, hahu husi Tutuala ba Oe-cusse, agora funu foun neebe atu hare ba fronteira maritima tenki husu duni husi Oe-cusse mak ba Tutuala,” dehan Xanana liu husi Sesaun Plenaria Ekstra-ordinariu Kinta (23/06/2016) iha Parlamentu wainhira debate proposta lei ordenamentu teritoriu.

Nia hatete negosiasaun fronteira maritima ho Indonesia tenki hahu husi Oe-cusse, Batugade, Atauro too iha Tutuala, hodi defende soberania Timor Leste nian hanesan nasaun.

Iha fatin hanesan Vice Xefi Bankada Fretilin Francisco Branco hatete knar neebe estadu Timor Leste fo fiar ba Xanana Gusmao, atu sai negosiador prinsipal ba frontiera maritima entre Timor Leste ho nasaun Vizinu hanesan Australia no Indonesia.

Nune mos Vice Prezidente Komisaun A Parlamentu Nasional, Arao Noe hatete negosiasaun fronteira hahu husi Oe-Cusse, tamba iha Oe-Cusse fronteira rai maran seidauk konklui iha pontu rua hanesan Naktuka ho Pasabe. Informasaun kompletu iha STL Jornal no STL Web, edisaun Sesta (24/6/2016). Timotio Gusmao

Suara Timor Lorosae