PM Laiha, Reuniaun Konsellu Ministrus Mos Laiha

DILI – Tuir kalendariu governu nian iha loron Tersa-Tersa sempre iha reuniaun Konsellu Ministru, maibe tanba deit Primeiru Ministru halo viagen servisu nian iha rai liur maka reuniaun Konsellu Ministru mos laiha.

Tuir Sekretariu Estadu Konsellu Ministru, Avelino Coelho, ba jornalista sira iha ninia servisu fatin Palacio do Govenru Tersa (21/06/2016) hatete katak Primeiru Ministru delega hela kompetensia nee ba Ministru Estadu Prezidensia Konsellu Ministru Agio Pereira.

Jeralmente prezide Konsellu Ministru nee Primeiru Ministru maibe komu Primeiru Ministru desloka hela ba rai liur, entaun intrega ba Ministru Estadu Prezidensia Konsellu Ministru atu konvoka reuiniaun KM etraordinariu ida neebe mak sei halo iha loron Kinta,” dehan Avelino Coelho.

Nia mos hatutan tan katak iha ajenda Reuniaun extraordinariu neebe sei halo iha loron Kinta nee, sei koalia liu konaba proposta orsamentu ratifikativu neebe mak sei prepara hela husi Ministeriu Finansas.

Iha fatin ketak tuir Akademia, Manuel Fernandes, mos hatete husu atu iha diskusaun orsamentu ratifikativu nee governu labele foti osan estadu nia liu billiaun ida iha orsamentu tinan 2017. Informasaun kompletu iha STL Jornal no STL Web, edisaun Kuarta (22/6/2016). Thomas Sanches

Suara Timor Lorosae