Deskonfia Veteranus Hetan Projetu Fo Ba Ema Estranjeiru

DILI - Deputadu husi bankada Fretilin Antonio dos Santos 55 deskonfia iha veteranus balu maka manan projetu EDTL, asina tiha depois fo tutan fali ba emprezariu Internasional sira maka implementa.

Nia hateten, kuandu veteranus sira asina, ordem de servisu tun husu ona sira nia presentezen hodi ba gasta tun gasta sae tiha, depois servisu lalao agora maka konfuzaun barak EDTL nian.

Deskonfia iha ita nia Veteranus balu manan tiha projetu EDTL nian, asina tiha sira fo fali ba emprezariu internasional sira maka halo, I sira hetan lukru presentazen ida kiik teb tebes, balu 15 %, no balu 17% deit,” dehan deputadu Antonio 55 ba STL, pn, Dili, Tersa (21/06/2016).

Veteranus sira nee tuir deputadu Antonio, lori veteranus nia naran ba hetan benefisiu, maibe benefisiu ida nebe la sustentabilidade ba sira nia vida. Deputadu Antonio afirma tan katak, uluk iha kumprimisiu katak, sei funu para atu hetan ukun, liberta mos povu ida nee, depois ukun aan hotu sira hadau malu projetu mos laiha responsabilidade.

Iha fatin hanesan membru PN husi bankada PD Olinda Morais hateten nia nudar veterana ida iha Uma Fukun ida nee, luta ba independensia tuir kapasidade neebe maka sira iha durante tinan 24, neebe atu hateten veteranus sira neebe maka hetan projetu maka fo fali ba emprezariu sira husi rai liur.

Nia afirma, karik veteranus hari kompania ida kaer projetu hanoin nee defisil oituan, tanba kapsidade neebe maka veteranus sira iha durante tinan 24 nunka aprende buat ida iha ailaran, maibee veteranus sira aprende deit halo informasaun komunikasaun ba area sira neebe maka veteranus sira hela ba. Informasaun kompletu iha STL Jornal no STL Web, edisaun Kuarta (22/6/2016). Carme Ximenes

Suara Timor Lorosae