BNCTL LA IHA PLANU, PM RUI KANSELA MILHOENS $5 BA SETOR PRIVADU

Banco Nacional Comersio Timor Leste (BNCTL) la iha planu, maka Primeiru Ministru (PM), Rui Maria de Araújo, kansela tiha orsamentu milhoens  $5 ne’ebé atu transfere ba BNCTL hodi fó kréditu ba emprezáriu nasionál.

Ministru Estadu Cordenador asuntu Ekonomia (MCAE) no Ministru Agrikultura no Peskas (MAP),  Estanislau Aleixo da Silva, esklarese katak, osan iha hela, maibé PM Rui maka  kansela osan ne’e, tanba BNCTL la aprezenta planu atu utiliza  milhoens $5 ne’e.

“Bainhira sira aprezenta ona planu oinsa utiliza osan ne’e mak foin ita transfere ba, maibé hau husu ona parese  Agostu ka Setembru mak sira foin aprezenta, ne’e osan Estadu nian la bele transfere arbiru”, hateten Ministru Estanislau Aleixo da Silva,  ba jornalista sira iha Portu Dili, Sabdo (18/6/2016).

Estanislau hatete, PM Rui mak responsabiliza osan Estadu nian, nune’e nia hakarak tenki iha planu konkretu mak foin bele transfere I nia mos informa katak, BNCTL mos la presiza U$ 5 milhoens ne’e, tanba nia osan likuidi ne’e U$ 30 milheons maibé seidauk utiliza entaun Governu seidauk bele transfere osan U$ 5 milhoens hodi fo kreditu ba emprezario sira.

“Ita labele transfere make ma utiliza osan la diak ne’e oinsa, BNCTL iha limitasaun barak, tan ne’e ita tenta resolve hela problema ne’e”, tenik Estanislau.nia

Jornal Nacional