SOSIADADE SIVIL KONSIDERA, VI GOVERNU FALHA EZEKUTA OJE 2016

Soseadade Sivil, konsidera VI Governu  falha halo ezekusaun  Orsamentu Jeral Estadu (OJE) 2016,  tanba besik ona fulan hitu maibe  foin maka ezekuta  30%.

“Kuaze Ministerio hotu dibawah 30% termasuk ki’ik liu maka Ministerio Obras Publikas 17% deit,  ne’ebe la tuir ona standar ezekusaun, tanba ezekusaun  lolos ne’e 6 bulan primeiru nia tenki ezekuta 50%  atu nune’e ba semester dua ne’e minimu ne’e   bele ezekuta 80%,”esplika Direktur Ezekutivu Luta Hamutuk, Mericio Akara ba jornalista iha Palacio Dili, Segunda (27/06).

Nia dehan tan dadaun nee ezekuasaun ne’ebe maka konta husi fulan Janeiro to’o fulan Junhu  tinan 2016  fulan nen  tiha ona, besik ona tama ba fulan hitu maibe  ezekusaun maioria 30% mai kraik, balun ezekusaun foin maka atinji 20%. Ne’e signifika falha tiha ona la to’o ona 50% ezekusaun.

“Se  ita hare’e  husi ne’e maka ita dehan aumeta tan osan, maibe kapasidade ezekusaun hanesan ne’e,”dehan Mericio Akara.

 Nia lembra katak,  uluk pakote referendum  akontese tanba kapasidade ezekusaun la iha, wainhira tinan ikus sira tenki ba responsaviliza.  Sira bolu kontraktor ne’e sira bolu fo-fo deit maibe to’o ikus rezultadu la iha. Keta  halo ba ida ne’e maka atu akontese fila fali, tanba deit  besik eleisaun.

“Tuir ha’u nia hare’e ne’e falta  fulan hat tan, ne’ebe ami hare’e ne’e sira sei la ezekuta liu 50%, maximu liu ne’e 70%, maibe  ida ne’e nafatin falha. Agora hotu-hotu maka ba konsilidasaun partidu  ne’e ema la fokus ona ba ezekusaun, ne’ebe ami pesimista sira bele ezekuta tuir standar  ne’ebe maka iha,”haklaken Mericio Akara.avi

Jornal Nacional