Beata
Teresa de Calcutá sei kanonizadu iha loron 04 Setembru, iha serimónia ida
ne'ebé prezidi hosi papa Francisco iha prasa São Pedro, fó sai hosi Vatikanu
iha loron-sesta ne'e.
Kanonizasaun,
dekreta hosi Francisca iha loron 15 Marsu, sei integra asaun relijiozu sira
ne'ebé previstu ona ba loron ne'e, aleinde misa ne'ebé sei hahú tuku 10:30
(oras lokal).
Teresa
de Calcutá, fundadora hosi Orden Misionáriu sira Karidade nian, sei kanonizadu
iha loron ida antes asinala tinan 19 ba nia mate no durante Tinan Santu
estraordináriu Mizerikórdia nian.
Kanonizasaun
hosi Madre Teresa desidi tiha ona hafoin Igreja Katólika aseita tiha, ho
unanimidade, "kura estraordináriu", liuhosi intersesaun futura santa
nian, ba mane brazileiru ida iha tinan 2008.
Aprovasaun
hosi papa tuir milagre ne'e, hanesan rekizitu importante ba kanonizasaun, taka
ona prosesu ne'ebé lori ba beatifikasaun iha tinan 2003, durante pontifikadu
hosi João Paulo II nian, ne'ebé hanesan ema ne'ebé hatete katak Teresa de
Calcutá hanesan "benfeitora ida humanidade nian ne'ebé la kolen".
Teresa
de Calcutá, ne'ebé naran Gonxha Bojaxhiu, moris iha Skopke (iha tempu ne'ebá
hanesan teritóriu albanés) iha loron 26 Agostu 1910 no mate iha Calcutá (Índia)
iha loron 05 Setembru 1997. Proklama tiha ona nu'udar beata iha loron 19
Outubru 2003, iha serimónia ida iha prasa São Pedro, iha Vatikanu.
SAPO
TL ho Lusa
Sem comentários:
Enviar um comentário