DILI
(ANTIL) — Komandante Jerál Polísia Nasionál Timor-Leste (PNTL), Komisariu Júlio
Hornay informa, suspeitu na’in sia (9) ne’ebé durante ne’e hana komunidade ho
rama Ambon tama ona iha prizaun preventiva.
Komadante
Júlio dehan, alende na’in sira ne’e, sei iha tan ema lubuk wa’in. “PNTL sei
buka tuir para bele kaptura hotu kedas, nune’e lori ba prosesu to’o Tribunal,”
nia dehan.
Nia
esplika, suspeitu hirak ne’e maka durante ne’e halo sira-nia asaun hana
komunidade iha fatin públiku, hanesan Comoro, Fatuhada, Hudi-Laran, Pantai
Kelapa no edifísiu Sekretaria Estadu Juventude no Desportu nia oin.
“Ita
apela nafatin ba juventude sira, atu labele komete hahalok át, Tanba ne’e
estraga futuru,” Hornay dehan ba jornalista sira iha Palásiu Prezidensiál,
Bairu-Pité, Dili, Kinta (04/08), hafoin levanta kestaun ne’e ba Prezidenti
Repúblika, Taur Matan Ruak.
Nia
mós informa ba Prezidenti Repúblika, katak, situasaun jerál iha Timor laran
tomak seguru. PNTL kontinua antisipa situasaun ne’ebé ameasa estabilidade
nasionál. (Jornalista: Xisto Freitas/Editor:Otelio Ote)
Sem comentários:
Enviar um comentário