UNTL TENKI RESPONSABILIZA DÍVIDAS U$ 2 MILLOENS

Ministru Edukasaun (ME), Antonio da Conceição, husu Universidade Nasional Timor Lorosa’e (UNTL), tenki responsabiliza ba dívidas U$ 2 milloens ne’ebé iha.

“Dívidas ne’e responsabilidade UNTL nian, tanba UNTL maka  com promete tusan ruma  iha ne’eba,  ha’u seidauk hatene detallus lolos,  maibe mai husi kooperasaun sira ne’e,  ne’e  maka ami mai koalia  orsamentu  Edukasaun nian,”esplika ME, Antonio da Conceição, ba jornalista iha Ministeriu Finansas, Tersa (22/08).

Nune’e mos, antes ne’e, Reitor UNTL Francisco Miguel Martins, hatete, dívidas U$ 2 milloens UNTL nian ne’e iha desde kedas, eis Reitor UNTL, Aurelio Guterres ninia tempu.

“Sim  UNTL  iha  dívidas,   por  volta $  2 milloens  ital, maibé  dívidas  ne’e  la’os  iha  ha’u  nia  Governasaun,   maibé  dívidas  Governasaun   anterior.  Ha’u  mós  ulun  fatuk  moras  atu  selu, ha’u  buka  hela  dalan  oinsa  atu  buka  dívidas  ne’e,”hatete  reitor  UNTL  Francisco  Miguel  Martins.

Nia  dehan, dívidas  ne’ebé  ho  montante $ 2 milloens ne’e  mai  husi  aspeitu  no  item  ba  dahuluk  Timor  Telekom  (TT),Telkomsel  no  viazen  estranjeirus.

“Ha’u  buka  rezolve  problema  atu  buka  solusaun  liu  husi  dalan  ne’ebé  adekuadu  no  viavel, ha’u esforsu atu buka solusiona Orsamentu Estadu  ida  ne’e  sé  lós  mak  atu  selu”reitor UNTL relata.avi

Jornal Nacional