DILI,
(ANTIL) – Prezidente Klibur Estudante Quelicai (KEUSQUEL), José Rui Fátima
hateten, xefe suku importante tebes tanba lideransa ne’ebé besik liu ho povu
tanba ne’e presiza kapasidade.
”Kandidatura
xefe suku ne’e presiza kapasidade lideransa no responsabilidade ba povu tanba
ne’e, xefe suku tenke halo kampaña simples hodi povu bele determina”,
prezidente Keusquel ba ANTIL iha UNDIL, foin lalais ne’e.
José
mós reforsa, atu hetan líder suku ne’ebé di’ak atu lidera povu presiza mós
mekanismu eleisaun ne’ebé di’ak.
Mekanismu
ne’ebé di’ak, tuir estudante UNDIL ne’e katak kandidatu xefi suku presiza halo
kampaña simples hodi aprezenta sira nia programa molok eleisaun.
Tuir
nia, eleisaun xefe suku tinan ida ne’e diferente tebes tanba povu la-halo
eleisaun direta maibé konsellu suku, loloos kandidatura sira halo uluk kampaña
simples ba povu maka hafoin hala’o eleisaun.
Sidadaun
Lai Sorulai de Baixo ne’e afirma tan katak kandidatu xefi suku ne’e sidadaun se
de’it importante maka iha planu dezenvolvimentu suku nian hanesan ba programa
bee mós, irigasaun inklui estrada rurál liliu iha suku ne’ebé nia pertense ba.
Eleisaun
ba lideransa komunitária, antes ne’e, Vise Ministru Administrasaun Estatál
Tomas Cabral afirma katak sei la’o tuir lei no 9/2016 ne’ebé Konsellu
Ministru dekreta tiha ona no públika ona iha jornál repúblika.
Nune’e
mós, nia informa katak tuir lei ne’e, eleisaun komunitária sei hala’o iha loron
30 Setembru. (jornalista: Rafy Belo; editora: Rita Almeida)
Sem comentários:
Enviar um comentário