AILEU, (ANTIL)
– Organizasaun Naun Govermental (ONG) Belun Ba Comunidade (BBC) iha semana
ne’e hala’o formasaun ba labarik sira ho tinan 10 to’o 16 iha suku Fahisoi,
Postu Administrativu Likidoe, Munisípiu Aileu.
Manuel
Izac Abisi, Kordenadór ba ONG Belun Ba Comunidade (BBC) ba
ANTIL liu-hosi telefone foin lalais ne’e esplika objektivu husi atividade
ne’e atu produz ka prepara labarik sira atu iha kualidade no produtivu ba
futuru.
“Ita
hakarak atu sai lider ida di’ak no kualifikadu iha futuru, presiza treinu
labarik sira kona-ba lideransa, protesaun labarik no halo relatoriu kona-ba
asuntu labarik”, Manuel tenik.
Materia
treinamentu kona-ba protesaun labarik, direitu labarik no prosesu referál kazu
sira. Liuhusi formasaun ne’e, bele establese grupu labarik iha postu
Administrativu Likidoe, Munisípiu Aileu.
Iha
tinan 2014, organizasaun BBC konsege halo ona atividades hanesan iha munisípiu
Aileu, kobre postu rua, mak Aileu Vila ne’ebé kobre suku Liurai ho suku
Fahiria no Laulara, kobre suku Talitu no suku Madabeno.
ONG
ne’e mós servisu hamutuk ho GIZ hosi Alemaña hodi kontinua establese grupu
labarik hodi realiza iha munisípiu Manufahi no Munisípiu Aileu. (jornalista:
Waytila; editór: Otelio Ote)
Foto:
Atividade formasaun ba labarik sira iha Munisipiu Aileu
Sem comentários:
Enviar um comentário