The
Asia Foundation liu husi programa Nabilan oferese formasaun kona ba etika
judicial no independente justisa ba juises Timor oan, tanba asuntu rua ne’e
importante tebes ba kada juis wainhira dirije kazu ruma iha tribunal.
Team
Leader Nabilan The Asia Foundation (TAF), Shophia Cason hateten formasaun ne’e
hanesan fahe esperiensia entre juises husi Australia no juises Timor oan, oinsa
maka bele independente no tane aas etika judicial iha servisu loron-loron
nian inklui foti desizasaun ba kazu ruma.
“Formasaun
ne’e importante tebes, liu-liu kada juis ida nia desizasaun ba kazu ne’ebe
involve feto no labarik,” Cason hateten.
Nia
hatutan, kazu ne’ebe involve feto no labarik julga liu husi tribunal hamutuk
30%, e formasaun ne’e atu ajuda juis no prokurador sira, atu oinsa bele foti
desizaun ne’ebe efetivu.
Nia
rekonese, katak durante ne’e funsionamentu tribunal la’o diak ona, maibe iha
parte balun presiza hadia liu-liu kona ba desizaun ba kazu violensia domestika.
Tanbatuir
nia, autor ba kazu violensia domestika, dala barak hetan pena suspensaun deit,
entaun situasaun ne’e la’os kontribui ba hamenus krimi violensia domestika,
maibe aumenta tanba ema la tauk.
“Komunidade
ladun komprende pena suspensaun, wainhira julgamentu hotu suspeitu fila ba uma,
entaun komunidade sira seluk dehan, nia ba tribunal la akontese buat ida, ne’e
halo ema la tauk” nia dehan.
Alende
ne’e, nia hatutan komunidade mos bele lakon konfiansa ba tribunal, hodi lakohi
hato’o tan keixa ba polisia, wainhira hetan violensia ruma.
Iha
parte seluk Juiza Nasional Maria Natercia Gusmao, hateten formasaun ne’e iha
nia valor positive ba juises timor oan, oinsa mak atu administra tribunal ho
diak no hakerek desizaun no fundamentu ho diak.
“Ita
presiza formasaun kontinua, atu melhora ita nia konesementu, hodi prepara ita
nia aan didiak hanesan juis, atu deside kazu ruma iha pratika loron-loron nian,”
Juiza Gusmao hateten.
Nia
dehan, independente judicial sai aspeitu fundamental tebes iha estadu de
direitu, administra justisa ho paz no tranquilidade ne’e fasil, maibe defisil
bainhira administra justisa ne’ebe diak no kualidade.
“Hanorin
ita oinsa atu iha kapasidade no etika atu diriji audensia, no prefere desizaun
ou sentensa rapida ho kualidade nomos komporta diak iha vida privada no
social,” nia dehan.
Tanba
tuir nia, dezempenha servisu iha area justisa ne’e krusial tebes, ho esforsu
bo’ot atu konsolida paz no estabilidade hodi asegura estadu de direitu no atu
promove responsablidade no transparensia.
The
Dili Weekly
Sem comentários:
Enviar um comentário