Komisaun C Parlamentu Nasionál Kestiona Dívida Ba Ministériu Finansa

DILI, (ANTIL)- Audiénsia ne’ebé Ministériu Finansa halo iha Parlamentu Nasionál iha 26 Outubru 2016, kestiona kona-ba dívida,  Diretór Nasionál Orsamentu Estadu, Ministériu Finansa, Salomão Yaquim informa ba ANTIL, Sesta (28/10/2016) iha Ministériu Finansa, Dili.

Salomão esplika, deputadu sira komisaun C Parlamentu Nasional kestiona kona-ba dívida ministériu en jerál.  ” Minsitériu Finansa labele hatán dívida ne’ebé kada ministériu karik iha. Maibé iha audiénsia ida-idak sei aprezenta,” nia esplika.

Husu kona-ba dívida Timor Telecom,  Salomão dehan, ” Iha dívida. Maibé  la’ós tanba TT aprezenta dívida, mak  ita tenke selu de’it. Iha momentu audiénsia, Ministra informa ita bele haree.

Husi Konsellu Ministru fó sai ona desizaun, katak, dívida Timor-Telekom tenke delega ba ministériu ida-idak. Nune’e, identifika no verifika uluk lai mak bele selu. “La’ós aprezenta fatura, ita tenke selu. Ne’e labele. Ministériu Finansa mós haree hela. Ida ne’ebé mak seidauk selu, Governu tenke buka dalan seluk”,  Salomão hateten. (Jornalista : Maria Auxiliadora/Editor: Otelio Ote)