Husi:
Gregorio Rangel
Ooo...peskador.....
O nia realm maka agua
Laloran tasi ho anin bot maka o beluk di’ak
O nia ispiritu nakonu ho konsensia
O ema kasador
Kasador animal we’ laran
Mesmu udan maka’as, laloran bot
O kuntinua augenta no augenta ba nafatin
Hau admira ho o nia ispiritu
Hau hakfodak ho o nia aten brani
O nia ispiritu nunka hatudu kole
O nia kole loron ho fitun mak sai sasin
O peskador.....
Laloran tasi no anin bot fo ameasa ba o
Maibe o kuntinua peska
Peska ba nafatin hodi buka buka’e ba loron
aban nian
O nia ispiritu hau nia ksolok
O nia aten brani maka hau nia esperanca
Maibe o nia moris folin la’ek, o nia naran
kala temi le’et
O nia konsensia hau tenke hakat tuir
O nia kbi’it hau hateke tuir la to,o maibe o
nia moris hau la konta
O....peskador......
O nia esforsu udan mak akompanha
O nia kbi’it anin sai sasin
Se mak la kuinese o
O heroi estomago
O mak hun matenek nian
Se o laiha hau la buka ikan
Se o laiha hau la han ikan
Ezemplu husi persistencia furak ida
Hau lian la’ek fo agradese ba o
Hau ibun to,os hodi fo apresia ba o
Hau nanal metin hodi katak ba o
Abansa...no abansa ba nafatin....hodi luta
ba moris
*Puizia ida ne’e hau didika ba kolega
peskadores sira iha Timor laran tomak
Sem comentários:
Enviar um comentário