DILI,
(ANTIL) – Sekretariu Jerál partidu Frente Revolusionariu Timor-Leste
Independente (FRETILIN) eleitu, Mari Alkatiri hatete, tama FRETILIN atu servi
hodi hatutan mehi ne’ebé fundadór sira husik hela.
”Lideransa
foun moris labele sai produtu jerasaun tuan nian, ami iha dever no obrigasaun
atu hahú prosesu ne’e”, Alkatiri hatete iha intervensaun polítika ba kongresu
dahaat FRETILIN ne’ebé hala’o iha Sentru Konvensaun Dili, Sesta, (7/10).
Fi’ar
ne’ebé hetan, la’ós previlejiu maibé Alkatiri konsidera hanesan dezafiu foun
ne’ebé simu iha tinan 40 liu-ba.
Nune’e
mos, nu’udar kuadrus kompremitidu atu serbi, hatutan mehi Nicolau Lobato ho
éroi sira seluk hodi defende no sai portavóz atu liberta povu hosi ki’ak no
mukit.
Bainhira
entrega poder ba jerasaun foun tenki konsisten iha pensamentu no defende
prinsípiu, valores FRETILIN nian.
Kongresu
ne’e nu’udar pasu importante atu define estratéjia atu FRETILIN manan iha
eleisaun tinan oin.
Bainhira
FRETILIN manan, hakarak forma governu inkluzaun hodi sai alternativa ba Timor
maibé se la-manan maioria, loke dalan ba koligasaun.
Kongresu
ne’e hetan partisipasaun másimu hosi militante, simpatizante, observadór
nasionál ida mak, José Luis Guterres, nomós observadór internasionál sira.
Prezidenti
partidu eleitu, Francisco Guterres Lu-Olo mak loke kongresu ne’e. (jornalista:
Manuel Pinto; editora: Rita Almeida)
Foto:
Militante no simpatizante sira toma atensaun durante kongresu partidu ne'ebé
hala'o iha Sentru Konvensaun Dili, Sesta, (7/10). Foto ANTIL/Manuel Pinto
Sem comentários:
Enviar um comentário