Komando
Jeral Polisia Nasional Timor-Leste tenke halo rotasaun ho rutina ba kada
membrus Corpo Seguransa Pesoal (CSP) ne’ebe durante ne’e fo seguransa pesoal ba
ema bo’ot (VIP) sira.
Membru
Parlamentu (MP) Nasional, David Diaz Ximenes Nia hateten, membru CSP ida labele
sai eskoltu ba ema (bo’ot) ida to’o tinan barak nia laran.
“Balun
kuaze to’o tinan 20 no 15 resin sai eskoltu ba entidade ida, lolos labele
akontese hanesan ne’e, presiza halo rotasaun,” MP Ximenes kestiona, iha
Parlamentu Nasional.
“Ita
nia bo’ot sira ne’e tenke konfia mak instituisaun, la’os konfia fali ema.”
Alende
ne’e, nia deskonfia mos katak iha CSP balun sai fali broker hodi hetan lukru
ne’ebe benefisia sira nia aan rasik.
“Halo
investigasaun no peskiza to’ok, ita haree saida mak sira iha maske ho
vensimentu ne’ebe ki’ik,” nia deskonfia.
Nia
mos sujere atu halo teste ida ba kada membru CSP sira, nune’e kuandu iha buat
ruma, sosidade labele fo sala deit ba instituisaun.
Hatan
ba kestaun ne’e Vise Komandante Jeral PNTL, Komisariu Faustino da Costa, katak
instituisaun iha duni hanoin atu halo rotasasaun, maibe iha difikuldade oituan.
“Ami
atu halo rotasaun, maibe membrus governu balun husu para sira ne’e mantein,
tanba dehan sira toman malu ona no haree malu hanesan maun alin,” Komisariu
Costa hateten.
Nia
rekonese, katak membru CSP balun desde kedas tinan 2000 no 2001 sai ona eskoltu
ba entidade balun, maibe tanba toman malu ona, entaun entidade ne’e lakohi
troka ho CSP seluk.
Maske
nune’e, nia dehan instituisaun sei nafatin halo rotasaun hodi nune’e servisu
bele la’o ho efetive liu iha future.
Kona
ba iha membru CSP balun ne’ebe deskonfia sai broker hodi hetan lukru ba sira
nian a’an rasik, nia dehan hato’o keixa nune’e bele prosesa tuir lei.
Sem comentários:
Enviar um comentário