Proposta Lei Kriansas Hetan Aprovasaun Husi KM

DILI - Proposta lei ba protesaun labarik aprova ona husi Konsellu Ministru (KM), tanba la barik sira durante nee seidauk iha lei ruma hodi proteze sira.

Lia hirak nee hatoo husi Sekertariu Estadu Konsellu Ministru Avelino Coelho, ba jornalista sira, hafoin remata konsellu Ministru iha Palasiu Governu, tersa (14/02/2017).

Ohin Ministeriu Solidaridade Sosial aprezenta proposta lei konba lei protesaun da kriansas, ba KM halo deskusaun no hetan aprovasaun, maibe proposta lei nee sei haruka ba PN hodi hetan aprovasaun,” hatetn Avelino.

Tanba labarik barak sei abandona sira nia eskola, depois ba buka osan hodi sustenta familia, tanba ekonomia fraku. Tanba nee MSS buat sira nee halo dekreitu lei nee hodi proteze sira, mesmu durante nee iha organizasaun ida atu har ba labarik sira, maibe too agora seidauk amksimal, tamba labarik sira kontinua fase kareta, iha estrada ninia, faan sasan no serbisu seluk hodi atende nesesidade familia.

Iha Konsellu Ministru nee mos, Ministeriu Turismu liu husi nia Sekeratia Estadu enkontu nia subtitui ba Ministru Maria Isabel de Jesus Ximenes aprezenta dekretu lei konba rezimi juridiku patremunia kultural nee ba Konsellu Ministru halo deskusaun too hetan aprovadu.

Nune mos Ministru Obras Publika (MOP) Gastao Sousa aprezenta mos dekreitu lei ida komu teknikamente seidauk prepradu, neebe sei adia fali ba reniaun Konsellu Ministru iha semana oin. Joao Anibal

Suara Timor Lorosae