MUTL Realija Asaun Pasifika Laos Halo Krimi

DILI - Movimentu Universitariu Timor Leste (MUTL) nia objetivu atu realija nia asaun pasipifa kontra kareta prado neebe deputadu sira lelaun. Laos atu halo krimi, tamba nee husu ba PNTL atu halo investiga klean atu hatene autor neebe estraga universitariu nia misaun.

Lia fuan hirak nee hato husi Adjuntu Diretor Ezikutivu Rogerio Castro da Cruz ba STL iha nia knar fatin Eix-Komarka Balide Dili Sesta, (25/8/2017). Tuir nia katak kuandu konsidera krimi presiza hare nia objetivu husi asaun nee.

“Tuir ami nia hare katak, bainhira hare ba ema nia atetude presiza mos tenki hatene ojetivu husi asaun pasifika MUTL nian. Labele konsidera sira hanesan krimi maibe, tenki PNTL halo investigasaun klean konaba problema nee. Tamba iha ema terseira pesoal nebe hakarak estraga situsaun nee,” nia dehan.

Maibe dalan diak maka nee husu ba komando Polisia Nasional Timor Leste (PNTL) nia investigasaun neebe klean atu bele hatene lolos motive husi asaun nee. Tamba bele mos mosu ema seluk nia intensaun neebe estraga objetivu MUTL nia asaun pasifika nee. Husu partes hotu atu hare lolos labele tau todan ba MUTL maka lori todan.

Retor Institute Of Bisniss (IOB) Augusto da Conceicao Soares hatoo parabens ba MUTL neebe halo asaun pasifika ho susesu no iha nia rejultadu neebe diak. Sira iha direitu atu halo kontrolu social nudar ema akademiku nudar mos ema sidadaun.

Justinho Manuel | Suara Timor Lorosae