Portugés
sira Tiago ho Fong Fong Guerra, hetan kondenasaun iha Timor-Leste ba kadeia
tinan ualu tanba naok osan, halai hosi nasaun no kaer ona iha Darwin, iha
Teritóriu Norte Austrália nian tanba tama ba ró laran tuir dalan ilegal,
konfirma hosi Lusa.
Fonte
hosi Australian Border Force (ABF) konfirma ona katak portugés na'in rua tama
tuir dalan ilegal iha nasaun, maibé lakohi hato'o tan informasaun sira seluk
kona-ba nia identidade ka kona-ba prosesu.
Fonte
konsular portugeza hatete katak hanesan kaben-na'in Tiago ho Fong Fong Guerra
no sira hala'o viajen ho pasaporte sira no kartaun sira sidadaun portugés nian
maibé lahó vistu hodi tama iha Austrália.
Kaben-na'in
ne'e agora iha daudaun sentru akollimentu ba estranjeiru sira besik iha
aeroportu Darwin nain, sidade ne'ebé maka sira to'o, ho ró, iha loron-kinta, 09
Novembru, haktuir hosi ABF.
Fonte
konsular portugeza ne'e konfirma ona ba Lusa katak asuntu ne'e akompaña hela
hosi autoridade portugés sira no katak prosesu ba kazu ne'e bele "demora
to'o semana rua", haktuir hosi lei ne'ebé hala'o.
Álvaro
Rodrigues, advogadu ne'ebé defende kaben-na'in ne'e, hatete ona ba Lusa katak
"to'o agora" sira la simu informasaun ruma ka kontaktu kona-ba
asuntu, seidauk konfirma katak karik kaben-na'in ne'e iha duni Austrália.
"Ha'u
laiha konfirmasaun ruma tanba ami laiha kontaktu ruma. Ami la hatene buat ida. Ami
laiha kontaktu ruma antes ka depois no ami hein ho hakmatek informasaun
ruma", hatete hosi advogadu ne'ebé maka kontaktadu iha Makau.
"To'o
agora ami laiha kontaktu ruma hosi autoridade timoroan sira, portugés sira ka
australianu sira", nia hatutan.
Seidauk
hetan komentáriu ruma hosi Ministériu Públiku timoroan nian.
Embaixada
portugeza nian iha Díli lakohi kalo komentáriu ruma kona-ba asuntu, hatudu atu
husu deklarasaun sira ba Ministériu Negósiu Estranjeiru iha Lisboa.
Emisaun
hosi pasaporte portugés sira halo, tuir lei, ho rekursu ba Baze Informasaun
sira hosi Emisaun Pasaporte sira nian (BADEP) ho lei ne'ebé maka hala'o hodi
determina kondisaun sira impedimentu nian ba autorizasaun pasaporte nian ba
sidadaun sira ne'ebé la halo tuir justisa ka iha problema ho justisa.
"Kondisaun
sira impedimentu ba autorizasaun pasaporte nian hetan hosi desizaun judisial
sira ho kastigu tanba la tuir orden judisial tranzitadu iha julgadu, ne'ebé
maka komunikadu hodi entidade jurisdisional sira ka liuhosi asesu, hodi bele hetan
informasaun, ho baze hosi rejistu hosi ema ne'ebé hetan kastigu, tuir dalan
legal ne'ebé previstu", hatete iha lei.
Polísia
timoroan kaer kaben-na'in ne'e iha Díli, iha loron 18 Outubru 2014 no, dezde
tempu ne'ebé maka sira labele sai hosi Timor-Leste, Tiago Guerra tenki
aprezenta aan iha loron-segunda, semana-semana iha Polísia Nasional Timor-Leste
(PNTL).
Lusa
konfirma ona katak nia aprezenta aan iha loron-segunda liubá, maibé seidauk iha
posibilidade hodi hetan komentáriu ofisial ruma hosi PNTL iha loron-segunda
ne'e, loron ne'ebé maka iha Timor-Leste marka toleránsia pontu ida tanba
feriadu ida iha loron-domingu.
Iha
loron 24 Agostu, grupu ida hosi juís sira hosi Tribunal Distrital Díli kondena
ona kaben-na'in portugés Tiago ho Fong Fong Guerra ba kadeia efetivu tinan ualu
no indemnizasaun ida ho dolar rihun 859 tanba naok osan.
Tribunal
deklara ona katak arguidu na'in rua ko-autor sira hosi krimi naok no sira hetan
perdua ba krimi sira brankeamentu kapital sira no halo falsu dokumentu sira
ne'ebé uluk hanesan mós akuzasaun hasoru sira.
Kaben-na'in
ne'e hato'o fali apelu ba sentensa, husu absolvisaun no konsidera katak
"hanesan vítima hosi inkapasidade hosi sala sira" ne'ebé maka mosu
beibeik iha "rejimi sira ne'ebé la'ós demokrátiku", ho baze hosi
prova sira ne'ebé iha manipulasaun ka proibidu.
Ema
hamutuk 3.500 resin asina ona petisaun ida, ne'ebé to'o ona ba iha parlamentu
portugés, hodi husu Governu atu haruka kaben-na'in ne'e fila ba Portugal.
Petisaun,
ne'ebé to'o ona iha parlamentu portugés iha fulan-Outubru reklarama katak
"Governu Portugal obriga Governu Timor-Leste atu nune'e bele transfere
prosesu ba Portugal, tanba sistema judisial timoroan nian hatudu hela katak
labele hasoru ho kazu ida hanesan ne'e".
SAPO
TL ho Lusa
Sem comentários:
Enviar um comentário