Kestaun FM, Xanana Konsege Halos Pontus Lubuk Ida

DILI – Tuir informasaun neebe maka iha katak, Xefi Negosiasaun fronteira maritima Xanana Gusmao, konsege halo los Pontus lubuk ida konaba akordu fronteira maritima, neebe maka halo entre Australia ho Timor Leste.

Tuir Sekertariu Jeral Brigada Regra atual Adjuntu Diretor Jeral ADN Rui da Costa katak, Kestaun fronteira maritimas tuir direitus Internasional, nee direitu lejitimu povu Timor Leste, tanba nee maka povu Timor Leste agradese teb tebes ba Xanana Gusmao nia inisiativa, hodi hahu halo negosiasaun para atu halo los saida maka lalos iha termus akordu neebe maka halao entre Governu Timor Leste ho Australia.

Tanba nee maka ita agradese inisiativa Governu Timor Leste nian liu husi maun Xanana, no mos ita agradese fuan boot korajen neebe maka Governu Australia hatudu hodi respeitu direitu povu Timor Leste ninian, liu husi planu neebe maka sira hahu atu asina akordu foun neebe maka iha tempu badak sira atu halo,” dehan Rui ba STL, iha PN, Kuarta (27/12/2017).

Nia dehan, Esforsu neebe maka Xanana halo laos esforsu uniku ida, esforsu neebe maka integradu tebes, liu husi aprosimasaun oin-oin neebe maka nia halo, estabelesimentu kontaktu diak ho nasoins unidas, para depois bele uja intrumentu ida neebe maka nasaoins unidas iha.

Rui dehan, Liu husi roda lubuk ida to ikus mai nia konsege nasaun rua nee, nia konsege halo akordu ida neebe makaa besik ona atu halo, I hare katak wainhira iha rai laran iha ema hanoin balu oinseluk.

Iha parte ketak Primeiru Ministru Mari Alkatiri hateten, membru Governu maka Agio Pereira deit sempre ba mai, Xanana hahu halo tiha negosiasaun, negosiasaun nee Labele troka ema nar-naran, Xanana hahu nia maka koinese duni, nia koinese prosesu tomak, entaun Governu kontinua rekoinese Xanana hanesan Xefi negosiador, Prezidente Republika rasik mos rekoinse Xanana hanesan Xefi negosiador. 

Carme Ximenes | Suara Timor Lorosae