MF Lansa Pagamentu Automatizadu

DILI - Ministeriu Finansas finalmente lansa ligasaun Sistema Integradu Informasaun Jestaun Finanseira, Palneamentu Rekursus Governu nian (IFMIS-GRP) ho BSTL nia sitema  transferensia automatiku naran” Rede Transferensia iha momentu Real” ka R-Timor.

Ministru Planu Finansas, Rui Agusto Gomes hateten Ministeriu Finansas no FreeBalance hahu ho projetu STP (straight through processing) iha fulan agostu 2014, ho objetivu principal atu liga uniku sistema informasaun jestaun finanseira governu nian no BSTL nia sitema ba pagamentu.

"Solusaun husi Freebalance Planeamentu Rekursu Governu (GRP) nian ba governu sentral fornese previzibilidade no kontrolu kona ba ezekusaun, finansas publikas neebe solidu no estabilidade fiskal bot liu husi transparensia no responsabilidade ida nebe diak liu,” dehan Ministru Planu I Finansas ba Jornalista sira iha Konferensia Imprensa nebe halo iha Edifisiu Ministeriu Finansas, Kampung Alor Dili, Kinta (8/02/2018)

Iha esplikasaun Freebalance nia Accountability suite maka solusaun maka GPR ida nebe automatiza siklu jestaun tomak, inklui orsamentu nebe bazeia ba politiku, kuadru despezas prazu medio ou (MTEF), tranferensia orsamentu, prioridade despezas, jestaun rekursus esternus, kontas projetus espesial sira nian no desentralizasaun fiskal.

Nia dehan ida nee hanesan progresu bott nebe maka nia ministeriu halo hodi fo asesu ba servisu finanseiru nebe modern nebe asesivel, tamba sitema pagamentu elektroniku ida nee ligadu ona ho banku komersial hotu hotu iha Timro Leste, sistema nee garantia rede dadus interbankariu nebe privadu nebe seguru makas, iha forma fasil, efisiente no seguru iha tempu real husi selu nain ba benefisiariu, liu husi kontas likiddasaun husi banku respetivu iha BSTL.

Iha fatin hanesan, Governador Banku Sentral Timor Leste, Abrao de Vasconselos hateten sitema ida nee automatizadu tebes tamba sitema nee nia funsionamentu lao allais tebes, kompara ho uluk atu halo pagamntu lori loron tolu ou haat maka prosesu bele finalize.

Entertantu Primeiru Ministru, Mari Bin Amude Alkatiri nebe marka prejensa hodi lansa sistema Integradu Informasaun Jestaun Finanseira, Planeamentu Rekursus Governu nian (IFMIS-GRP) hateten marka tan historia ida ba iha dezenvolvimentu ba iha administrasaun publika liu-liu iha nebe parte sistema finanseiru iha Timor Leste. 

Maria Lay/Carme Ximenes | Suara Timor Lorosae