DILI: Polisia Nasionál
Timor-Leste (PNTL) apresia tebes ho maturidade grupu juventude arte-marsiál no
rituál iha territóriu laran tomak, tanba mantein estabilidade seguransa durante
prosesu eleisaun jerál 2017-2022 liubá.
Tanba ne’e, Komandante Jerál
PNTL, Komisáriu Júlio da Costa Hornai, husu atu kontinua nafatin mantein pás no
estabilidade iha prosesu eleisaun antesipada ne’ebé sei hala'o iha tinan ne’e
nia laran.
Nia esplika, risku mosu
instabilidade entre grupu arte-marsiál boot tebes iha prosesu eleisaun jerál
2017 nian, maibé situasaun kontroladu nafatin tanba kontribuisaun másimu husi
joven sira ne’e.
“Realidade grupu sira ne’e la
preokupa ho problema no sira fó liután kontribuisaun makaas hodi asegura
seguransa iha rai laran”, Komisáriu Júlio, iha Edifísiu CNE, Kaikoli-Dili,
Sesta (9/2).
Komandu polisia deteta duni
problema eleisaun jerál ne’e sei mosu husi sira, maibé sira matenek duni hodi
lakohi envolve aan iha aktu violénsia ruma.
Ne’e duni, Komandante Jerál PNTL
ne’e louva no fó apresiasaun boot ba atitude juventude grupu arte-marsiál sira
ne’ebé hahú konxiente ba estabilidade seguransa iha rai laran.
Júlio akresenta, maski bele
envolve an iha grupu oioin, maibé tenke iha nasionalizmu no patriotizmu hodi
hadomi rai ida ne’e.
Ema hotu tenke konsidera atu
prosesu eleisaun antesipada ne’e bele la'o ho di'ak, nune’e lider sira hodi
bele dezenvolve rai ne’e ba oin.
Tomé Amado | Independente
Sem comentários:
Enviar um comentário