Negosiasaun Greater Sunrise Sei Iha Diskusaun

DILI – Negosiasaun Fonteira Maritima Liu-liu iha explorasaun Greater Sunrise entre Timor-Leste no Australia, dadaun nee sei iha prosesu diskusaun nian laran.

Informasaun nee hatoo Ministru Negosiu Estranjeiru no Koopersaun Aurelio Cristovao Guterres ba Jornalista sira, iha nian knar fatin Ministeriu Negosiu Estrajeiru no Koopersaun Prai do Coqueiros, Tersa (6/2/2018).

“ita hatene katak prosesu negosiasaun fronteira maritima nee ita nia Xefe Negosiador Xanana Gusmao maka lidera, kona media line nian iha entendimentu entre governu Timor-Leste governu Australia iha ona entendimentu iha tinan kotuk,” dehan nia.

Nia dehan oras nee governu Timor-Leste no Austrlia kontinua halo deskusaun aprofunda oinsa atu atinji ba ba iha esplorasaun mina iha greater sunrise. Nudar governante nee so hare no garantia ba iha area diplomasia rai rua nian.

Nia dehan konaba atu asina iha fulan Marsu, governu sei asina buat rua ida maka Media line ka akordu fronteira marima no akordu ida seluk maka governu Timor-Leste Australia explorasaun greater sunrise maka tuir planu sei asina fulan Marsu tinan nee.

Hatan kona ba Xefe negosiado fronteira Maritima neebe tuir Primeiru Ministru Mari Alkatiri hateten labele asina akordu, tamba seidauk hetan pose husi Xefe Estadu Francisco Guterres Lú Olo, nudar Prezidente Alta Autoridade ba Delimitasaun fronteira Maritima, governante nee afirma nee orientasaun nudar Ministru tenke rona ba nia Xefe governu. 

Natalino Costa | Suara Timor Lorosae