segunda-feira, 12 de março de 2018

Para Karreta-Motór Iha Zebra Cross, Sei Multa

PARTILHAR

DILI: Komandu Polisia Nasionál Timor Leste (PNTL) liu husi diresaun Tránzitu Rodoviária semana ne’e sei hahú halo kontrolu ba transporte públiku no privadu sira atu labele para iha Zebra Cross.

Bainhira hetan transporte balun mak para iha Zebra Cross, Polisia sei prega multa tuir lei kódigu estrada.

Durante ne’e Polisia halo ona sosializasaun ba kondutór sira kona ba funsionamentu zebra cross iha dalan públiku, tanba ema sira ne'ebé la'o ain mak sei utiliza hodi ultrapasa.

Komandante daruak PNTL Munisípiu Dili, Superintendente Asistente Euclides Belo hatoo asuntu ne’e iha komandu PNTL Kaikoli, Sesta (09/03).

Nia dehan, dala barak konxiénsia husi kondutór sira mak seidauk iha, tanba  ne’e polisia sei lori ida ne’e ba sira atu nune’e bele fanun di'ak liu tan sira nia konxiénsia.

“Ami halo tiha ona sosializasaun antes no depois hamosu Zebra Cros ne’e. Tanba laiha sinais ida ne’e dezastre bele mosu makaas liu, tanba pasajeiru sira difisil atu ultrapasa ba estrada sorin”, tenik nia.

Tan ne’e polisia tránzitu sei halo kontrola makaas liu tan, atu haree kondutór malandru sira, sei prende sira nia karreta bainhira para arbiru.

Ida ne’e hanesan lisaun ida atu hanorin sira respeita sinais ne'ebé monta ona iha dalan públiku  nune’e mós atu bandu sira labele para iha zebra cros leten.

Tomé Amado | Independente
PARTILHAR

Author: verified_user

Publicação luso-timorense sem fins lucrativos

1 comentários:

Unknown disse...

Kondutor barak mak sei kontinua kontra regars Transito Rodoviario nian iha kapital Timor-Leste Dili iha area Aitarak laran no mos iha fatin seluk wainhira sinais transito hatudu atu la bele ultrapasa no labele uza dalan atu fo kurva. Iha mos membrso transito nian balun wainhira iha fatin refere hare tuir deit no la liga ba kestaun nebe'e maka mai viola leis transito rodoviaria nian. Parte seluk instalasaun SCTV iha parte barak maibe'e ita hare katak ita lakon osan barak hodi sosa materiais hirak ne'e maibe'e tuir hau nia observsaun Polisia transito seidauk fo sai rezultadu hirak nebe'e maka konditor sira mai uza estrada no la kumpri leis maka sei kontinua domina iha Sidade laran. Maiores sucessos e bom trabalho.