Primeiru Ministru (PM), Mari
Alkatiri, hateten, Prezidente Repúblika no Governu la simu informasaun kona-ba
Xefe Negosiador Fronteira Marítima, Kay Rala Xanana Gusmão, atu fila mai
Timor-Leste (TL) iha Domingo horseik.
“Horiseik (horibainruak Re) Maluk
ida Informa partikular mai hau katak Irmaun XG atu o Dili ohin. Nia mos dehan
katak XG lakohi ema atu hatene. Derepenti GMN fo kedas informasaun konfirma
duni. To o agora Presidente Repúblika no Governu la simu informasaun husi XG ka
nia Gabineti atu konfirma informasaun ida ne. Tanba ne atu informa deit ba Povu
tomak katak Estado la simu informasaun maibee Oposisaun halo ona apelo atu
mobiliza povu ba aeroporto,” PM Mari Alkatiri, hakerek iha nia pájina Facebook
(FB), Domingo (11/03/2018).
Xefe negosiador Prinsipal
delimitasaun fronteira marítima, Kay Rala Xanana Gusmão to’o iha Timor Leste
iha Domingo horseik iha oras tuku 13:30 Otl, ho aviaun Sriwijaya.
Kay Rala Xanana Gusmão to’o iha
Aeroportu Internacional Nicolau Lobato, simu husi veteranus, sosiedade sivil no
komunidade rihun ba rihun hodi halo komboiu husi Aeroporto Nacional Nicolau
Lobato to’o iha Sede CNRT Bairo Grilos.
Antes halo konfrensia imprensa
halao uluk missa agradesimentu ba susesu ne’ebe Kay Rala Xanana Gusmão ho nia
ekipa atinji liu-liu asina akordu fronteira maritima iha loron 6 fulan marsu
liu ba iha Nova Iorke. Missa agradesimentu ne’e halao iha Sede Nacional CNRT
ne’ebe prezidi husi Amu Angelo Salsinha. Bal
GMN TV | Grupo Média Nacional
Sem comentários:
Enviar um comentário