DILI, (TATOLI) – Partidu
Demokrátiku ohin hala’o konferénsia nasionál hodi diskute lista kandidatura ba
Parlamentu Nasionál nomós preparasaun ba kampañia iha eleisaun antesipada.
Prezidente PD, Mariano Asanami
Sabino, hateten konferénsia nasionál ne’e atu oinsá apela ba kuadru militante,
estrutura sira hodi servisu maka’as ba eleisaun antesipada.
“Hothotu hader servisu, ita osan
laiha tanba iha situasaun difísil relasiona ho eleisaun antesipada la preve”,
dehan Asanami iha Delta Nova.
Diskusaun ne’e sira elabora planu
no programa ne’ebé sei uza durante EA. Programa PD nian sei la’o tuir planu
estratejiku dezenvolvimentu tinan lima nian.
“Prepasaun ba kampaña nomós lista
kandidatura (PN) ne’ebé sei hatama molok loron 21 marsu”, tenik.
Nune’e mós PD afirma sei avansa
mesak iha EA. Konferénsia ne’e ho tema haku’ak, hametin no hatutan libertasaun
nasionál povu nu’udar kauza nasionál ne’ebé hetan partisipasaun hosi kuadru
militante no estrutura partidu hosi munisípiu 13.
Jornalista: Agapito dos Santos | Editora:
Rita Almeida
Sem comentários:
Enviar um comentário