Tenke Koalia Foka Ba Materia Kampania

DILI –  Sosiadade Sivil no Akademiku husu ba lider partidu politiku sira, atu koalia foka ba iha programa no material kampania hodi eduka povu iha kampania eleisaun parlamentar antisipada.

Tuir Prezidente Consellhu Nasional Juventude Timor Leste (CNJTL), Maria Dadi Magno hateten, lideransa partidu politiku sira tenke iha obrigasaun ida katak, iha tempu kampana sira tenke koalia foka liu ba material, hodi nunee bele eduka povu hodi oinsa atu hili.

Ita dadaun nee atu tama ona ba iha tempu kampania eleisaun antisipada, bainhira Prezidente Republika deklara, konvoka eleisaun antisipada hodi desolve parlamentu iha loron 26 Fulan Janeiru liu ba, no agora atu besik ba kampania eleisaun antisipada, tanba nee maka lidernsa tenke koalia foka ba programa no material kampania, atu eduka povu nian hodi hili,” dehan Maria Dadi Magno ba STL iha nia knar fatin  Farol, Sesta, (16/3/2018).

Nia hatutan, kampana nudar oportunidade diak atu politiku sira koalia argumentu neebe maka ho rasional, atu nunee bele povu entende no partisipa iha festa demokrasia ho diak.

Iha sorin seluk Responsabel Programa Asia Justice And Right  (AJAR), Inocencio Xavier katak, tempu kampania konsidera nudar tempu oportunidade atu lider sira kolaia sira nian  programa no planu ba tinan lima karik povu fo fiar. 

Notisia kompletu lee iha jornal edisaun Segunda, (19/03/2018)

Natalino Costa | Suara Timor Lorosae