Eis-Komandante FALINTIL, Kay Rala
Xanana Gusmão ho eis Vise Sekretáriu Jerál RENETIL, Mariano Assanami Sabino
husu povu tomak atu hakruk no presta ómenazen ba jornalista sira ne’ebé mate
iha funu tanba defende direitu umanus no lialos.
Relasiona ho loron liberdade
imprensa mundiál ne’ebé monu iha loron kinta horsehik (3/5), lidera na’in rua
ne’e konsidera loron ida ne’e importante ba liberdade imprensa mundu tomak
tanba prejensa jornalista defende lialos hato'o informasaun ba públiku, ne'e
duni Timoroan sira tenki fó ónra ba jornalista tomak.
Prezidenti Partidu Aliansa
Mudansa ba Progressu (AMP), Kay Rala Xanana Gusmão haktuir loron 3 fulanMaiu
nuda'ar loron importante ba jornalista sira, tanba konsensia kiberdade imprensa
defende diretus umanos ho lei internasionál.
Xanana haktuir, bainhira funu
hahú iha fronteira entre Timor-Leste ho Indonezia, jornalista internasionál
husi Australia na’in rua, Inglatera na’in rua ho Nova Zelandia na’in ida mate
iha Balibo. Iha tempu neba hatudu ba mundu katak Indonezia hahú invade ona
Timor-Leste.
"Loron 3 maio loron
internasionál jornalista sira nian liliu ba liberdade imprensa, ita hotu hakruk
ba jornalista sira,"dehan Xanana iha Komisiu públiku Lospalos vila, kinta
(3/5).
Timoroan tomak tenki hakruk hodi
presta ómenazen ba jornalista sira tanba tempu invasaun Indonezia jornalista
lubuk ida mak hakotu iis iha Timor-Leste tanba de’it defende lialos no direitus
umanus iha rai ne'e tanba Timor-Leste nia indepedénsia.
Tanba ne’e, Xanana husu ba
públiku, militante ho simpatizante AMP tomak iha munisipiu Lautem tenki basa
liman ba jornalista sira tanba sira nia kontribuisaun mak ohin loron
Timor-Leste hetan indepedénsia.
Entretantu, kampaña politiku
aberta iha Bobonaro, Presidente Partidu Demokratiku, Mariano Assanami Sabino
kongratula servisu mídia nasionál no internasionál ne’ebé durante ne’e
kontribui ona ba prosésu demokrasia iha Timor no mundu.
“Ha’u hakruk no fó omenajen ba
jornalista internasionál na’in lima ne’ebé mate iha Timor tanba atu foka sai
probema Timor nian ba mundu maibé sira simu konsekuénsia to’o mate,”dehan
Assanami iha Bobonaru horseik.
Servisu lorloron jornalista sira
nian halo kobre informasaun iha fatin-fatin dala ruma lider balun haree sira ho
matan ikun de’it dala ruma mós hirus tan sira.
Tanba ne’e, Assanami husu karik
durante ne’e membru PD balun mós inklina aan iha asaun ida ne’e hanesan
Presidente Partidu Demokratiku lori membru sira hotu nia naran husu deskulpa ba
maluk mídia nasionál no internasionál sira.
Partidu Demokratiku nia prinsipiu
mídia sai hanesan klamar ba demokrasia tanba ne’e kuandu mídia la iha
demokrasia mos la buras, iha prosesu demokrasia mídia mak sai hanesan kontrolu
sosial hodi kontrola prosesu tomak iha nasaun ida ne’e.
Mídia sira nia públikasaun
provoka diskusaun iha públiku atu bele hanoin lisuk problema sira ne’ebé mosu
hodi fó solusaun tanba ne’e iha demokrasia ida ne’e ema la’os matenek liu.
Ho nune’e ba lideransa nasionál
to’o povu bainbain husu atu fó liberdade ba jornalista sira atu bele hala’o
knaar hanesan kontrolu sosial.
Iha loron liberdade imprensa
mundial ida ne’e, Assanami hakarak fó parabens no apresia ba jornalista
Timoroan sira ne’ebé durante ne’e la’o ho kondisaun ladun di’ak maibé ho dedikasaun
bele la’o hodi kobre informasaun ba públiku.
Tanba ne’e karik iha eleisaun
antisipada ida ne’e hetan vitoria hakarak fó subsidiu ba instituisaun mídia
sira atu bele konstrui nia kondisaun atu nune’e bele sai professionál liu tan.
Assanami hatutan, koalia kona ba
subsidiu ba mídia sira la’os atu hamihis sentidu kritiku maibe ne’e atu haforsa
instituisaun mídia atu bele haruka sira nia jornalista sira ba halo formasun
iha hodi nune’e bele hasa’e liutan koñesementu ba mundu jornalismu nian.
“Ha’u husu ba mídia nasionál sira
iha loron liberdade imprensa ida ne’e husu atu kapasita aan nafatin hodi sai
mídia ida ne’ebé professionál, imparsiál no neutralidade,” dehan Assanami.
Independente
Sem comentários:
Enviar um comentário