domingo, 6 de maio de 2018

UNTL ho U-Minho Sei Institusionaliza Formasaun Profesór Ensinu Pré-eskolár


DILI, (TATOLI) – Iha tinan akadémiku oin mai, 2019, Universidade Nasionál Timor Lorosa’e (UNTL) ho Universidade do Minho (U-Minho), Portugal, sei institusionaliza formasaun profesór ensinu pré-eskolár nian iha Fakuldade Edukasaun, Arte no Umanidade (FEAU), UNTL.

“Ami hahú ona trata no prepara iha périodu ne’e, tinan oin sei institusionaliza ofisialmente”, hatete reitór UNTL, Francisco Miguel Martins, iha auditóriu FEAU, ohin, iha ámbitu komemorasaun loron lian portugés.

UNTL aposta konstantamente ekivoka iha ensinu no produsaun koñesimentu sientífika iha dalen portugés. “Ha’u fiar iha perkursu ne’ebé mak la’o sei naruk, ita bele ba alende ita la iha tan tempu atu lakon”.

Reitór hatutan tinan létivu oin mai ho kolaborasaun Fakuldade Letras, Universidade do Porto, programa inovadora ida hodi hatudu katak ensinu lian portugés iha kontestu Timor-Leste, simultaneamente, inisia mós projetu ambisiozu ida.

“Kriasaun Casa lusofonia UNTL ne’ebé sei permite hodi aranka ensinu língua portugeza, la’ós de’it iha Timor-Leste maibé mós iha ita-nia rejiaun”, akresenta.

Tanba ne’e, tuir reitór, sira diskute no ko’alia ona ho Instituto Camões no iha uma komunidade língua portugeza iha Lisboa, Portugal, iha 23 abril 2018, fulan kotuk.

Jornalista: Rafy Belo | Editora: Rita Almeida

Imagen: Reitór UNTL, Francisco Miguel Martins

Sem comentários: