Prezidente Repúblika timoroan
konvoka ona, ba loron-tersa, reuniaun sira ho partidu sira ho koligasaun sira
ne'ebé hili ona deputadu sira iha lejislativu sira loron 12 Maiu, hodi haree ba
eskolla ba primeiru-ministru, anunsia hosi prezidénsia iha loron-segunda ne'e.
Tuir kalendáriu prezidénsia nian,
Francisco Guterres Lu-Olo simu iha tuku 09:00 (oras lokal) forsa polítika
ne'ebé hetan liu votu, Aliansa Mudansa ba Progresu (AMP) no iha tuku 10:30
(oras lokal) simu Frente Revolucionária do Timor-Leste Independente (Fretilin).
Iha loraik, iha ona ajenda ba
reuniaun sira ho Partidu Demokrátiku (PD) no ho Frente Dezenvolvimentu
Demokrátiku (FDD).
Halo parte iha AMP maka partidu
sira Congresso Nacional de Reconstrução Timorense (CNRT), Partidu Libertasaun
Popular (PLP) ho Kmanek Haburas Unidade Nacional Timor Oan (KHUNTO).
Enkontru sira mosu hafoin, iha
semana liubá, simu ona pose deputadu na'in 65 ba Parlamentu Nasional, loke dalan
nune'e ba formasaun Governu daualuk nian.
SAPO TL ho Lusa
Sem comentários:
Enviar um comentário