Organizasaun la'ós governu nian
(ONG) Human Rights Watch (HRW) husu ona, iha loron-segunda ne'e, libertasaun ba
prezu polítiku sira iha Vietname no husu atu Hanoi respeita kompromisu sira
ne'ebé asumi iha ONU hodi garanti respeitu ba direitu síviku sira.
Iha karta ne'ebé haruka ba
konsellu hosi Direitu Ema nian iha ONU, ONG hatete katak Hanoi aseita ona
rekomendasaun hamutuk 182 hosi rekomendasaun 227 iha revizaun periódiku ikus
iha 2014, maibé hahú tempu ne'ebá "ladún halo" asaun barak hodi
kumpri rekomendasaun sira.
Tuir HRW, rejimi komunista uza
beibeik vizaun ne'ebé permiti hosi kódigu penal hodi prende ativista polítiku
sira ka relijiozu sira. Hahú hosi inísiu tinan ne'e, autoridade sira kaer ona
ema na'in 27.
ONG hato'o kesar ba reforma legal
ida iha tinan liubá, ne'ebé aumenta responsabilidade penal hosi ativista sira
no hosi ema sira ne'ebé ajuda sira, hanesan kontráriu hosi kompromisu sira ne'ebé
asumi iha tinan tolu ho ONU.
Kritika mós aprovasaun, iha
fulan-Juñu, hosi lei siberseguransa ida ne'ebé bandu liberdade espresaun
"ho forma toda", aleinde bandu beibeik hasoru direitu sira reuniaun
ho asosiasaun nian.
"Vietname hanesan atu
kompete ba títulu hosi Governu ne'ebé maka ne'ebé halo liu bandu iha
Ázia", hatete hosi subdiretor HRW nian ba Ázia, Phil Robertson, liuhosi
komunikadu.
"Governu ne'ebé kontrola
hosi Partidu Komunista halakon dezafiu ruma hasoru nia asaun sira no kastigu
ema ruma ka grupu ruma ne'ebé maka governu konsidera hanesan ameasa ida ba
monopóliu absolutu ba poder", nia hatutan.
Karta ne'ebé entrega ona ba
konsellu ONU hato'o rekomendasaun oioin ba autoridade sira Vietname nian, antes
revizaun periódiku universal foun iha fulan-Janeiru tinan oinmai.
SAPO TL ho Lusa
Sem comentários:
Enviar um comentário