DILI, (TATOLI) – Ministra
Negósiu Estranjeiru Austrália, Julia Bishop, sei hala’o vzsita servisu mai
Timor-Leste iha tempu besik hodi hametin kooperasaun iha área empregu, defesa
inklui Fronteira Maritima ho Timor-Leste.
Ministru Negósiu Estranjeiru no
Kooperasaun, Díonisio Babo Soares, hateten vizita ne’e sei hasoru malu ho
Prezidente-Repúblika, Francisco Guterres Lú Olo, Primeiru-Ministru, Taur Matan
Ruak, lider partidu polítiku sira no seluktán.
“Ami sei iha reuniaun bilaterál,
sei aborda kestaun espesífiku ne’ebé la’o ona hanesan área fronteira maritime,
defeza, ekonómiaʺ, hateten governante
ne’e iha Aeroporto Internasionál Nicolau Lobato Dili, ohin.
Maibé asunto importante atu
deskute kle’an maka traballadór timoroan ne’ebé servisu iha Austrália. ʺPontu sira ne’e ami preve hela hodi ko’alia
ho ministra, importante liu maka ida seasonal workers, servisu temporáriu
iha Austrália ita komesa ona, maibé presiza diskute kle’an hodi haruka timoroan
sira ba servisuʺ, hatutan.
Governu Timor-Leste liu
hosi Sekretariu Estadu Formasaun Profesionál no Empregu (SEFOPE), ho Governu
Austrália asina akordu kona-ba Pacific Seasonal Worker Pilot Scheme, (PSWPS)
iha loron 1 dezembru 2011.
Objetivu hosi MóU
ne’e maka ofisializa akordu ida entre país rua, hodi Timor-Leste prepara
traballadór timoroan ho idade 21 to’o 45 ba servisu iha Austrália hafoin
selesiana hosi SEPFOPE.
Jornalista: Agapito dos Santos | Editora:
Rita Almeida
Imajen: Ministra Negósiu
Estranjeiru Austrália, Julia Bishop, ho Ministru Hermenegildo Pereira, iha
governasaun da-hituk bainhira asina akordu delimitasaun fronteira iha
Kopenhage. Foto google
Sem comentários:
Enviar um comentário