Efetivu sira hosi polísia
timoroan nian iha kondisaun hodi partisipa iha misaun internasional ida ba
jestaun krizi sira nian, defende ona hosi eis-Prezidente timoroan José
Ramos-Horta, iha semana liubá, iha Díli no haktuir hosi komunikadu ida ne'ebé
fó sai hosi Polísia Nasional Timor-Leste (PNTL) nian.
Antigu xefe Estadu, ne'ebé
ko'alia iha Kursu dahuluk hosi Misaun Internasional sira PNTL nian, iha Unidade
Espesial Polísia nian, konsidera ona katak Timor-Leste, "liuhosi nia
esperiénsia iha krizi no agora moris hela iha situasaun ida dame estável ho
konsolidadu, iha kondisaun tomak hodi partisipa iha misaun internasional ida,
no reprezenta di'ak nasaun iha estranjeiru, hodi kontribui ba rekoñesimentu no
kredibilidade nasaun nian".
Ramos-Horta, iha nia
intervensaun, ko'alia kona-ba hipóteze rua ba partisipasaun ne'e: "hamutuk
ho nasaun ida hosi Komunidade Nasaun sira Lian Portugeza nian (CPLP) ka hosi
sudeste aziátiku; ho liuhosi dalan independente liuhosi 'Formed Police Unit
(FPU)' ida hanesan hosi forsa ne'ebé maka GNR harii ona iha Timor-Leste iha
períudu 2006 to'o 2012".
Tuir nota ne'e, Ramos-Horta
aprezenta ona hanesan ezemplu ida hosi kompañia infantaria ida hosi ezérsitu
mosambikanu ne'ebé partisipa ona iha Administrasaun Tranzitóriu hosi ONU nian
iha Timor-Leste (UNTAET), halo parte iha batallaun hosi ezérsitu portugés nian,
no seluk tan.
Eis-Prezidente refere mós
"katak aleinde klaru no formasaun nesesáriu hosi komponente
tékniku-profisional, hanesan importante mós formasaun hosi komponente humanu no
akadémiku nian, hodi nune'e forsa ida, aleinde aplika téknika ho tátika sira,
bele mós halo negosiasaun sira no uza dalan sira seluk hodi rezolve konflitu
pasífiku sira hodi bele hamenus nível konflitu entre parte sira no hade bele
respeita ho di'ak no fó ezemplu respeitu ne'ebé maka presiza iha ba direitu ema
nian".
SAPO TL ho Lusa
Sem comentários:
Enviar um comentário